മലപ്പുറത്ത് കൊറോണ രോഗികള് വീണ്ടും കൂടി; ഏറ്റവും കൂടുതല് ഇന്ന് രോഗം സ്ഥിരീകരിച്ചത് ജില്ലയില്
മലപ്പുറം: ജില്ലയില് പ്രതിദിന കോവിഡ് ബാധിതരുടെ എണ്ണം ഇന്ന് വീണ്ടും 1000 കടന്നു. ജില്ലയില് ഇന്ന് 1,139 പേര്ക്കാണ് കോവിഡ് 19 സ്ഥിരീകരിച്ചതെന്ന് ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇതില് 1040 പേര്ക്ക് നേരിട്ടുള്ള സമ്പര്ക്കത്തിലൂടെയും 62 പേര്ക്ക് ഉറവിടമറിയാതെയുമാണ് രോഗബാധയുണ്ടായത്. 11 ആരോഗ്യ പ്രവര്ത്തകര്ക്കും ഇന്ന് വൈറസ് ബാധ സ്ഥിരീകരിച്ചിട്ടുണ്ട്. രോഗബാധയുണ്ടായവരില് 19 പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന ഏഴ് പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. ഇന്ന് ജില്ലയില് 772 പേരാണ് വിദഗ്ധ ചികിത്സയ്ക്ക് ശേഷം രോഗമുക്തരായത്. ഇതുവരെ 26,872 പേര് കോവിഡ് പ്രത്യേക ചികിത്സയ്ക്ക് ശേഷം രോഗം ഭേദമായി വീടുകളിലേക്ക് മടങ്ങിയിട്ടുണ്ട്. അതേസമയം, മഞ്ചേരി നഗരസഭയിലെ 19 ജീവനക്കാര്ക്ക് രോഗം വ്യാപിച്ചതിനെ തുടര്ന്ന് ഓഫീസ് പ്രവര്ത്തനം അവസാനിപ്പിച്ചു.
51,885 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 9,065 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 468 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,467 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ 149 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
മലപ്പുറം, എറണാകുളം, കോഴിക്കോട്, തൃശൂര് ജില്ലകളില് രോഗികള് ഇന്ന് 1000ത്തിന് മുകളിലാണ്. എറണാകുളം 1122, കോഴിക്കോട് 1113, തൃശൂര് 1010, കൊല്ലം 907, തിരുവനന്തപുരം 777, പാലക്കാട് 606, ആലപ്പുഴ 488, കോട്ടയം 476, കണ്ണൂര് 370, കാസര്ഗോഡ് 323, പത്തനംതിട്ട 244, വയനാട് 110, ഇടുക്കി 79 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. 21 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 1046 ആയി.
ഇന്ന് രോഗം സ്ഥിരീകരിച്ചവരില് 36 പേര് വിദേശ രാജ്യങ്ങളില് നിന്നും 85 പേര് മറ്റ് സംസ്ഥാനങ്ങളില് നിന്നും വന്നതാണ്. 8039 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 76 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. സംസ്ഥാനത്തെ വിവിധ ജില്ലകളിലായി 2,82,000 പേരാണ് ഇപ്പോള് നിരീക്ഷണത്തിലുള്ളത്.
Recommended Video
Click it and Unblock the Notifications
Sign in with Google