മലപ്പുറത്ത് ഇനി കൊറോണ ചികില്സയില് 2025 പേര്; മരണം 589 ആയി
മലപ്പുറം: ജില്ലയില് ഞായറാഴ്ച 167 പേര് കൂടി കോവിഡ് വിമുക്തരായതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതോടെ ജില്ലയില് രോഗമുക്തരായവരുടെ എണ്ണം 1,18,205 ആയി. അതേസമയം ആരോഗ്യമേഖലയില് പ്രവര്ത്തിക്കുന്ന മൂന്ന് പേര്ക്കുള്പ്പടെ 151 പേര്ക്കാണ് ഇന്ന് വൈറസ് ബാധ സ്ഥിരീകരിച്ചത്. ഇവരില് 137 പേര്ക്കും നേരിട്ടുള്ള സമ്പര്ക്കത്തിലൂടെയാണ് രോഗബാധ. അഞ്ച് പേര്ക്ക് രോഗബാധയുണ്ടായതിന്റെ ഉറവിടം വ്യക്തമല്ല. ഇതരസംസ്ഥാനങ്ങളില് നിന്നെത്തിയ ആറ് പേര്ക്കും ഇന്ന് വൈറസ് ബാധ സ്ഥിരീകരിച്ചിട്ടുണ്ട്.
17,040 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 2,025 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 132 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 54 പേരും 19 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി ജില്ലയില് 589 പേരാണ് കോവിഡ് ബാധിതരായി മരിച്ചത്.
അതേസമയം, സംസ്ഥാനത്ത് ഇന്ന് 1792 പേര്ക്കാണ് കോവിഡ്-19 സ്ഥിരീകരിച്ചത്. 43 പേര് സംസ്ഥാനത്തിന് പുറത്ത് നിന്നും വന്നവരാണ്. 1597 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 143 പേരുടെ സമ്പര്ക്ക ഉറവിടം വ്യക്തമല്ല. 9 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. 472 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗം സ്ഥിരീകരിച്ച് ചികിത്സയിലായിരുന്ന 3238 പേരുടെ പരിശോധനാഫലം നെഗറ്റീവ് ആയി.
Click it and Unblock the Notifications
Sign in with Google