മലപ്പുറത്ത് 4500ലധികം പേര്ക്ക് കൊറോണ രോഗം ഭേദമായി; കുറയാതെ ടിപിആര്
മലപ്പുറം: ആരോഗ്യമേഖലയില് പ്രവര്ത്തിക്കുന്ന ഒരാള്ക്കുള്പ്പടെ ജില്ലയില് ബുധനാഴ്ച 1,744 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 17.16 ശതമാനമാണ് ഇന്നത്തെ ടെസ്റ്റ് പോസിറ്റിവിറ്റി നിരക്ക്. ടിപിആര് നിരക്ക് കുറയാത്തതാണ് ആശങ്ക. ഇത് കുറയ്ക്കാന് സാധിച്ചാല് മാത്രമേ ആശ്വാസമാകൂ. നിലവില് 16 വരെ നിയന്ത്രണങ്ങള് പ്രഖ്യാപിച്ചിട്ടുണ്ട്. രോഗ ശമനമുണ്ടായില്ലെങ്കില് നിയന്ത്രണങ്ങള് തുടരാനാണ് സാധ്യത. 1,685 പേര്ക്കും നേരിട്ടുള്ള സമ്പര്ക്കത്തിലൂടെയാണ് രോഗബാധ. 15 പേര്ക്ക് രോഗം ബാധിച്ചതിന്റെ ഉറവിടമറിയാന് കഴിഞ്ഞിട്ടില്ല.
കൂടാതെ വിദേശ രാജ്യങ്ങളില് നിന്നെത്തിയ നാല് പേര്ക്കും ഇതര സംസ്ഥാനങ്ങളില് നിന്നെത്തിയ 39 പേര്ക്കും ഇന്ന് രോഗബാധ സ്ഥിരീകരിച്ചിട്ടുണ്ട്. അതേസമയം 4,590 പേരാണ് ഇന്ന് ജില്ലയില് രോഗമുക്തരായത്. ഇതോടെ ജില്ലയിലെ രോഗമുക്തരുടെ എണ്ണം 2,88,955 ആയി. ജില്ലയില് ഇതുവരെ 940 പേര് കോവിഡ് ബാധിതരായി മരിച്ചതായും ജില്ലാ മെഡിക്കല് ഓഫീസര് അറിയിച്ചു.
53,095 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 20,282 പേരാണ് നിലവില് ചികിത്സയിലുള്ളത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 958 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 287 പേരും 84 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശ സ്വയംഭരണ സ്ഥാപനങ്ങള്ക്കു കീഴിലുള്ള പ്രത്യേക കോവിഡ് ഗൃഹവാസ പരിചരണ കേന്ദ്രങ്ങളില് (ഡൊമിസിലിയറി കെയര് സെന്റര്) 1,035 പേരും ശേഷിക്കുന്നവര് വീടുകളിലും നിരീക്ഷണത്തില് കഴിയുകയാണ്.
Click it and Unblock the Notifications
Sign in with Google