മലപ്പുറത്ത് ഇന്നും രണ്ടായിരത്തോളം പേര്ക്ക് കൊവിഡ്; ടിപിആര് 13 ശതമാനത്തിന് മുകളില്
മലപ്പുറം: ജില്ലയില് കുറയാതെ കൊറോണ രോഗം. ഇന്നും രണ്ടായിരത്തോളം പേര്ക്ക് രോഗം ബാധിച്ചു. സംസ്ഥാനത്ത് ഏറ്റവും കൂടുതല് രോഗം റിപ്പോര്ട്ട് ചെയ്തത് മലപ്പുറം ജില്ലയിലാണ്. ടെസ്റ്റ് പോസിറ്റിവിറ്റി നിരക്ക് 13 ശതമാനത്തിന് മുകളിലാണ് എന്നതും ആശങ്കയുണ്ടാക്കുന്നു. അതേസമയം, ആയിരത്തിലധികം പേര്ക്ക് രോഗം ഭേദമായി. 17000ത്തിലധികം പേര് ജില്ലയില് രോഗം ബാധിച്ച് ചികില്സയില് കഴിയുന്നുണ്ട്. വെള്ളിയാഴ്ച 1,962 പേര്ക്കാണ് കോവിഡ് 19 വൈറസ്ബാധ. 13.09 ശതമാനമാണ് കോവിഡ് ടെസ്റ്റ് പോസിറ്റീവിറ്റി നിരക്ക്. 1,038 പേര് കോവിഡ് ബാധക്കുശേഷം ജില്ലയില് രോഗമുക്തരായി.
വെള്ളിയാഴ്ച രോഗബാധ സ്ഥിരീകരിച്ചവരില് 1,933 പേര് രോഗികളുമായി നേരിട്ടുള്ള സമ്പര്ക്കത്തിലൂടെ വൈറസ് ബാധിതരായവരാണ്. 11 പേര്ക്ക് ഉറവിടം കണ്ടെത്താനായിട്ടില്ല. ആരോഗ്യ മേഖലയില് പ്രവര്ത്തിക്കുന്ന ഒരാള്ക്കും ഇതര സംസ്ഥാനങ്ങളില് നിന്ന് ജില്ലയില് തിരിച്ചെത്തിയ 17 പേര്ക്കും രോഗബാധ സ്ഥിരീകരിച്ചിട്ടുണ്ട്.
17,068 പേരാണ് ചികിത്സയിലുള്ളത്. ജില്ലയില് ഇതുവരെ 1,277 പേരാണ് കോവിഡ് ബാധിതരായി മരിച്ചത്. അതേസമയം, സംസ്ഥാനത്ത് ഇന്ന് 13,563 പേര്ക്ക് കോവിഡ്-19 സ്ഥിരീകരിച്ചു. കോഴിക്കോട് 1494, കൊല്ലം 1380, തൃശൂര് 1344, എറണാകുളം 1291, തിരുവനന്തപുരം 1184, പാലക്കാട് 1049, കണ്ണൂര് 826, ആലപ്പുഴ 706, കോട്ടയം 683, കാസര്ഗോഡ് 576, പത്തനംതിട്ട 420, വയനാട് 335, ഇടുക്കി 313 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
Click it and Unblock the Notifications
Sign in with Google