മലപ്പുറത്ത് 10 പേര് കൂടി രോഗമുക്തരായി; ഇനി ലഭിക്കാനുള്ളത് 2000 പേരുടെ പരിശോധന ഫലങ്ങള്
മലപ്പുറം: കോവിഡ് 19 സ്ഥിരീകരിച്ച് മലപ്പുറം ജില്ലയില് ഐസൊലേഷന് കേന്ദ്രങ്ങളില് ചികിത്സയിലായിരുന്ന 10 പേര് കൂടി രോഗമുക്തരായി. രോഗബാധിതരായി 591 പേര് ചികിത്സയില് കഴിയുന്നു. ജില്ലയില് ഇതുവരെ 1,111 പേര്ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 1,140 പേര്ക്ക് കൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
42,236 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 727 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 476 പേരും തിരൂരങ്ങാടി താലൂക്ക് ആശുപത്രിയില് ഒരാളും നിലമ്പൂര് ജില്ലാ ആശുപത്രിയില് മൂന്ന് പേരും കാളികാവ് പ്രത്യേക ചികിത്സാ കേന്ദ്രത്തില് 48 പേരും മുട്ടിപ്പാലം പ്രത്യേക ചികിത്സാ കേന്ദ്രത്തില് 49 പേരും കരിപ്പൂര് ഹജ്ജ് ഹൗസില് 150 പേരുമാണ് കഴിയുന്നത്. 39,605 പേര് വീടുകളിലും 1,904 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
ജില്ലയില് നിന്ന് ഇതുവരെ 14,216 പേരുടെ സാമ്പിളുകള് പരിശോധനക്കയച്ചതില് 12,205 പേരുടെ ഫലം ലഭിച്ചു. 11,337 പേര്ക്ക് സ്രവ പരിശോധനയിലൂടെ ഇതുവരെ വൈറസ് ബാധയില്ലെന്ന് സ്ഥിരീകരിച്ചിട്ടുണ്ട്. 2,011 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. വിദഗ്ധ ചികിത്സക്കു ശേഷം 514 പേര് രോഗമുക്തരായി വീടുകളിലേക്ക് മടങ്ങി.
Recommended Video
ജില്ലയില് 58 പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. ഇവരില് 22 പേര്ക്ക് സമ്പര്ക്കത്തിലൂടെയാണ് രോഗബാധ. പൊന്നാനിയില് രോഗ വ്യാപനം തടയുന്നതിന്റെ ഭാഗമായി നടത്തിയ പരിശോധനയിലാണ് ഇതില് 21 പേര്ക്കും വൈറസ് ബാധ സ്ഥിരീകരിച്ചത്. രോഗം സ്ഥിരീകരിച്ചവരില് ശേഷിക്കുന്ന ഏഴ് പേര് ഇതര സംസ്ഥാനങ്ങളില് നിന്നും 29 പേര് വിദേശ രാജ്യങ്ങളില് നിന്നും എത്തിയവരാണെന്ന് ജില്ലാ കലക്ടര് കെ. ഗോപാലകൃഷ്ണന് അറിയിച്ചു.
Click it and Unblock the Notifications
Sign in with Google