മലപ്പുറത്ത് 240 പേര്ക്ക് ഇന്ന് കൊറോണ സ്ഥിരീകരിച്ചു; ജില്ലയില് ചികില്സയില് 1750 പേര്
മലപ്പുറം: ജില്ലയില് ഇന്ന് ആരോഗ്യമേഖലയില് പ്രവര്ത്തിക്കുന്ന ഒരാളുള്പ്പടെ 240 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് ഉറവിടമറിയാതെ മൂന്ന് പേര്ക്കും നേരിട്ടുള്ള സമ്പര്ക്കത്തിലൂടെ 228 പേര്ക്കുമാണ് വൈറസ് ബാധയുണ്ടായത്. കൂടാതെ വിദേശത്ത് നിന്നെത്തിയ രണ്ട് പേര്ക്കും ഇതര സംസ്ഥാനത്ത് നിന്നെത്തിയ ആറ് പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
203 പേര് കൂടി ഇന്ന് രോഗമുക്തരായതായതോടെ ജില്ലയില് ഇതുവരെ കോവിഡ് മുക്തരായവരുടെ എണ്ണം 1,21,838 ആയി. 18,258 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,750 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 159 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 59 പേരും ഏഴ് പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തില് കഴിയുകയാണ്. ഇതുവരെ 609 പേരാണ് കോവിഡ് ബാധിതരായി ജില്ലയില് മരിച്ചത്.
വയനാട്ടിലെ തിരുനെല്ലി ക്ഷേത്രത്തില് രാഹുല് ഗാന്ധി പ്രാര്ഥനയ്ക്ക് എത്തിയപ്പോള്, ചിത്രങ്ങൾ കാണാം
അതേസമയം, സംസ്ഥാനത്ത് ഇന്ന് 2802 പേര്ക്കാണ് കോവിഡ്-19 സ്ഥിരീകരിച്ചത്. 132 പേര് സംസ്ഥാനത്തിന് പുറത്ത് നിന്നും വന്നവരാണ്. 2446 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 208 പേരുടെ സമ്പര്ക്ക ഉറവിടം വ്യക്തമല്ല. 16 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2173 പേരുടെ പരിശോധനാഫലം നെഗറ്റീവ് ആയി. 27,893 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
അതീവ ഗ്ലാമറസായി വ്യായാമം ചെയ്ത് അനിത ഭട്ട്, ചിത്രങ്ങൾ കാണാം
Click it and Unblock the Notifications
Sign in with Google