മലപ്പുറത്ത് ടിപിആര് ഉയര്ന്നു; 2346 പേര്ക്ക് കൊറോണ രോഗം, ജില്ലയില് ചികില്സയില് 38,828 പേര്
മലപ്പുറം: ജില്ലയില് ബുധനാഴ്ച രണ്ട് ആരോഗ്യപ്രവര്ത്തകര്ക്കുള്പ്പടെ 2,346 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് 2,272 പേര്ക്ക് നേരിട്ടുള്ള സമ്പര്ക്കത്തിലൂടെയും 34 പേര്ക്ക് ഉറവിടമറിയാതെയുമാണ് രോഗബാധ. കൂടാതെ വിദേശ രാജ്യങ്ങളില് നിന്നെത്തിയ അഞ്ച് പേര്ക്കും ഇതര സംസ്ഥാനങ്ങളില് നിന്നെത്തിയ 33 പേര്ക്കും ഇന്ന് രോഗബാധ സ്ഥിരീകരിച്ചിട്ടുണ്ട്. ടെസ്റ്റ് പോസിറ്റിവിറ്റി നിരക്ക് നേരിയതോതില് വര്ദ്ധിച്ച് 14.79 ശതമാനത്തിലെത്തിയതായും ജില്ലാ മെഡിക്കല് ഓഫീസര് അറിയിച്ചു.
അതേസമയം ഇന്ന് ജില്ലയില് 4,327 പേരാണ് രോഗമുക്തരായത്. ഇതോടെ ജില്ലയിലെ രോഗമുക്തരുടെ എണ്ണം 2,57,324 ആയി. ജില്ലയില് ഇതുവരെ 842 പേരാണ് കോവിഡ് ബാധിതരായി മരിച്ചത്. 60,195 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 38,828 പേരാണ് നിലവില് ചികിത്സയില് കഴിയുന്നത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 1,118 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 270 പേരും 111 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്.
തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക കോവിഡ് ഗൃഹവാസ പരിചരണ കേന്ദ്രങ്ങളില് (ഡൊമിസിലിയറി കെയര് സെന്റര്) 1,192 പേരും ശേഷിക്കുന്നവര് വീടുകളിലും നിരീക്ഷണത്തില് കഴിയുന്നു. ഏതെങ്കിലും വിധത്തിലുള്ള കോവിഡ് രോഗ ലക്ഷണങ്ങളോ മറ്റേതെങ്കിലും കോവിഡ് രോഗബാധതരുമായി സമ്പര്ക്കമോ ഉണ്ടായാല് പരിശോധനക്ക് വിധേയരാകേണ്ടതാണ്. പരിശോധനാ ഫലം വരുന്നത് വരെ നിര്ബന്ധമായും നിരീക്ഷണത്തില് കഴിയണം.
Recommended Video
Click it and Unblock the Notifications
Sign in with Google