മലപ്പുറത്ത് കൊറോണ വ്യാപിക്കുന്നു; 255 പേര്ക്കു കൂടി രോഗം; 223 പേര്ക്കും സമ്പര്ക്കം വഴി
മലപ്പുറം: ജില്ലയില് ഇന്ന് 255 പേര്ക്ക് കൂടി കോവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇവരില് മൂന്ന് ആരോഗ്യ പ്രവര്ത്തകരും ഒരു എയര് ഇന്ത്യ ജീവനക്കാരിയുമുള്പ്പെടെ 223 പേര്ക്ക് സമ്പര്ക്കത്തിലൂടെയാണ് രോഗബാധ. 37 പേര്ക്ക് രോഗബാധയുണ്ടായതിന്റെ ഉറവിടം കണ്ടെത്തി വരികയാണ്. നേരത്തെ രോഗബാധയുണ്ടായവരുമായി അടുത്ത ബന്ധമുണ്ടായ 186 പേര്ക്കും സമ്പര്ക്കത്തിലൂടെ രോഗബാധ സ്ഥിരീകരിച്ചു.
ഇന്ന് രോഗം സ്ഥിരീകരിച്ചവരില് ഏഴ് പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന 25 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. വിദഗ്ധ ചികിത്സക്ക് ശേഷം 53 പേരാണ് ഇന്ന് രോഗമുക്തരായത്. ജില്ലയില് ഇതുവരെ 2,103 പേരാണ് വിദഗ്ധ ചികിത്സക്ക് ശേഷം രോഗമുക്തരായി വീടുകളിലേക്ക് മടങ്ങിയത്.
കോണ്ഗ്രസിന്റെ ചാണക്യ നീക്കത്തില് സച്ചിന് പൈലറ്റ് വീണു; 3 ടാക്റ്റിക്കല് മൂവ്, പൈലറ്റിന്റെ ആവശ്യം
32,536 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,143 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 538 പേരും തിരൂരങ്ങാടി താലൂക്ക് ആശുപത്രിയില് 15 പേരും തിരൂര് ജില്ലാ ആശുപത്രിയില് രണ്ട് പേരും കാളികാവ് പ്രത്യേക ചികിത്സാ കേന്ദ്രത്തില് 85 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില് 60 പേരും കരിപ്പൂര് ഹജ്ജ് ഹൗസില് 82 പേരും കാലിക്കറ്റ് സര്വ്വകലാശാലയിലെ പ്രത്യേക ചികിത്സാ കേന്ദ്രത്തില് 361 പേരുമാണ് ചികിത്സയില് കഴിയുന്നത്. 30,323 പേര് വീടുകളിലും 1,148 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
വീണ്ടും മന്മോഹന് സിങ്; നരേന്ദ്ര മോദിക്ക് പുതിയ ഉപദേശങ്ങള്, രാജ്യത്തെ രക്ഷിക്കാന് ചെയ്യേണ്ടത്...
ജില്ലയില് നിന്ന് ഇതുവരെ ആര്ടിപിസിആര്, ആന്റിജന് വിഭാഗങ്ങളിലുള്പ്പടെ 74,216 പേരുടെ സാമ്പിളുകള് പരിശോധനക്കയച്ചു. ഇതില് 71,460 പേരുടെ ഫലം ലഭ്യമായതില് 69,962 പേര്ക്കാണ് വൈറസ് ബാധയില്ലെന്ന് സ്ഥിരീകരിച്ചത്. 2,957 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫീസര് ഡോ. കെ സക്കീന അറിയിച്ചു.