മലപ്പുറത്ത് കൊറോണ മുക്തരുടെ നിരക്ക് കുറഞ്ഞു; രോഗികള് കൂടുന്നു, ചികില്സയില് 3,423 പേര്
മലപ്പുറം: ജില്ലയില് ചൊവ്വാഴ്ച 633 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. നേരിട്ടുള്ള സമ്പര്ക്കത്തിലൂടെ രോഗബാധിതരാകുന്നവരുടെ എണ്ണം ക്രമാതീതമായി വര്ധിക്കുന്ന സാഹചര്യം ജില്ലയില് തുടരുകയാണ്. ഇത്തരത്തില് 597 പേര്ക്കാണ് വൈറസ്ബാധയുണ്ടായത്. ആരോഗ്യ മേഖലയില് പ്രവര്ത്തിക്കുന്ന ഒരാളും ഉറവിടമറിയാതെ 15 പേരും രോഗബാധിതരായവരില് ഉള്പ്പെടുന്നു. രോഗം സ്ഥിരീകരിച്ചവരില് ഏഴ് പേര് വിവിധ വിദേശ രാജ്യങ്ങളില് നിന്നും 13 പേര് ഇതര സംസ്ഥാനങ്ങളില് നിന്നും ജില്ലയില് തിരിച്ചെത്തിയവരാണ്.
263 പേര് വിദഗ്ധ ചികിത്സയ്ക്ക് ശേഷം ഇന്ന് കോവിഡ് രോഗമുക്തരായി. ഇവരുള്പ്പെടെ 1,24,126 പേരാണ് ഇതുവരെ ജില്ലയില് രോഗമുക്തി നേടിയത്. രോഗം ബാധിക്കുന്നവരുടെ എണ്ണം ഉയരുകയും രോഗമുക്തരുടെ എണ്ണം കുറയുകയും ചെയ്യുന്നതാണ് ജില്ലയിലെ സാഹചര്യം. ജില്ലയിലിപ്പോള് 20,277 പേരാണ് നിരീക്ഷണത്തില് കഴിയുന്നത്. 3,423 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 162 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 112 പേരും 86 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 622 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
സൗദി അറേബ്യയെ അമ്പരപ്പിച്ച് ഇന്ത്യ; ഒരേ സമയം ഡബിള് മൂവ്... ഇറാനും അമേരിക്കയും ആഹ്ലാദത്തില്
അതേസമയം, കേരളത്തില് ഇന്ന് 7515 പേര്ക്കാണ് കോവിഡ്-19 സ്ഥിരീകരിച്ചത്. 198 പേര് സംസ്ഥാനത്തിന് പുറത്ത് നിന്നും വന്നവരാണ്. 6747 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 534 പേരുടെ സമ്പര്ക്ക ഉറവിടം വ്യക്തമല്ല. 36 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2959 പേരുടെ പരിശോധനാഫലം നെഗറ്റീവ് ആയി. 52,132 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.