മലപ്പുറത്ത് ഇന്ന് 2776 പേര്ക്ക് കൊറോണ രോഗം; മരണം 642 ആയി, ജില്ലയില് ചികില്സയില് 15,221 പേര്
മലപ്പുറം: കോവിഡ് നാള്വഴികളില് ഏറ്റവും ഉയര്ന്ന പ്രതിദിന നിരക്കില് മലപ്പുറം ജില്ല. വ്യാഴാഴ്ച മാത്രം ജില്ലയില് 2,776 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇന്ന് രോഗബാധിതരായവരില് അധിക പേര്ക്കും നേരിട്ടുള്ള സമ്പര്ക്കത്തിലൂടെ തന്നെയാണ് രോഗം ബാധിച്ചിട്ടുള്ളത്. 2,675 പേര്ക്ക് നേരിട്ടുള്ള സമ്പര്ക്കത്തിലൂടെയും 60 പേര്ക്ക് ഉറവിടമറിയാതെയുമാണ് രോഗബാധ. വൈറസ് ബാധിതരില് ആറ് പേര് വിദേശ രാജ്യങ്ങളില് നിന്നെത്തിയവരും 35 പേര് ഇതര സംസ്ഥാനങ്ങളില് നിന്നെത്തിയവരുമാണ്. ഇതുവരെയായി 642 പേരാണ് കോവിഡ് ബാധിതരായി ജില്ലയില് മരണപ്പെട്ടത്.
അതേസമയം ഇന്ന് രോഗമുക്തരായ 378 പേരുള്പ്പടെ ജില്ലയില് സാധാരണ ജീവിതത്തിലേക്ക് മടങ്ങിയെത്തിയവരുടെ എണ്ണം 1,26,195 ആയി. ജില്ലയില് നിലവില് 30,484 പേരാണ് നിരീക്ഷണത്തില് കഴിയുന്നത്. 15,221 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 425 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 210 പേരും 165 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്.
കൊവിഡ് രണ്ടാം തരംഗം: ലോക്ക്ഡൗണിലായി കര്ണാടക, ചിത്രങ്ങള് കാണാം
ജില്ലയിലെ വാക്സിനേഷന് പ്രവര്ത്തനങ്ങള് സ്വകാര്യ മേഖലയിലേക്കുള്പ്പെടെ വ്യാപിപ്പിച്ച് ശക്തമായ രോഗ പ്രതിരോധ പ്രവര്ത്തനങ്ങളാണ് ആരോഗ്യ വകുപ്പ് നടത്തി വരുന്നതെന്ന് ജില്ലാ മെഡിക്കല് ഓഫീസര് പറഞ്ഞു. അതേസമയം, കേരളത്തില് ഇന്ന് 26,995 പേര്ക്കാണ് കോവിഡ്-19 സ്ഥിരീകരിച്ചത്. 275 പേര് സംസ്ഥാനത്തിന് പുറത്ത് നിന്നും വന്നവരാണ്. 24,921 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 1730 പേരുടെ സമ്പര്ക്ക ഉറവിടം വ്യക്തമല്ല. 69 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
Recommended Video
Click it and Unblock the Notifications
Sign in with Google