മലപ്പുറത്ത് ഇന്ന് നേരിയ ആശ്വാസം; കൊറോണ രോഗികളേക്കാള് കൂടുതല് രോഗമുക്തര്
മലപ്പുറം: കോവിഡ് 19 പ്രതിരോധ പ്രവര്ത്തനങ്ങള് ശക്തിപ്പെടുത്തിയതിനൊപ്പം മലപ്പുറം ജില്ലയില് കോവിഡ് 19 പ്രതിദിന രോഗികളുടെ എണ്ണത്തില് നേരിയ കുറവ്. തിങ്കളാഴ്ച 2,941 പേര്ക്ക് വൈറസ് ബാധ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 32.03 ശതമാനമാണ് ജില്ലയിലെ ടെസ്റ്റ് പോസിറ്റീവിറ്റി നിരക്ക്. എന്നാല് രോഗികളുമായി നേരിട്ടുള്ള സമ്പര്ക്കത്തിലൂടെ വൈറസ് ബാധിതരാകുന്നവരുടെ എണ്ണത്തില് കാര്യമായ മാറ്റമില്ല. തിങ്കളാഴ്ച രോഗം സ്ഥിരീകരിച്ച 2,858 പേര്ക്കും കോവിഡ് രോഗികളുമായി നേരിട്ടുള്ള സമ്പര്ക്കത്തിലൂടെ രോഗബാധ. 80 പേര്ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. വിദേശത്തു നിന്ന് തിരിച്ചെത്തിയ ഒരാള്ക്കും ഇതര സംസ്ഥാനങ്ങളില് നിന്നെത്തിയ രണ്ട് പേര്ക്കും രോഗബാധ സ്ഥിരീകരിച്ചിട്ടുണ്ട്.
അതിനിടെ ജില്ലക്ക് ആശ്വാസമായി തിങ്കളാഴ്ച 4,050 പേര് രോഗവിമുക്തരായതായും ജില്ലാ മെഡിക്കല് ഓഫീസര് വ്യക്തമാക്കി. ഇവരുള്പ്പെടെ ജില്ലയില് ഇതുവരെ 1,85,666 പേരാണ് കോവിഡ് മുക്തരായി സാധാരണ ജീവിതത്തിലേക്ക് മടങ്ങിയത്. രോഗവ്യാപനം ആശങ്കയുയര്ത്തുന്നതിനിടെ ഇത്രയധികം പേരെ ഒരു ദിവസം സാധാരണ ജീവിതത്തിലേക്ക് തിരിച്ചെത്തിക്കാനായത് ആശ്വാസകരമാണെന്നും ജില്ലാ മെഡിക്കല് ഓഫീസര് പറഞ്ഞു.
ട്രിപ്പിള് ലോക്ക്ഡൗണ്, തിരുവനന്തപുരത്ത് നിന്നുള്ള ചിത്രങ്ങള്
72,334 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 51,184 പേരാണ് ചികിത്സയിലുള്ളത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 1,485 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 178 പേരും 425 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 439 പേരും ശേഷിക്കുന്നവര് വീടുകളിലും മറ്റുമായും നിരീക്ഷണത്തില് കഴിയുന്നു. ജില്ലയില് ഇതുവരെ 754 പേരാണ് കോവിഡ് ബാധിതരായി മരിച്ചത്.
Recommended Video
സാരിയില് ഗ്ലാമറസ് ലുക്കുമായി സയനി പ്രധാന്; വൈറല് ചിത്രങ്ങള് കാണാം