മലപ്പുറത്ത് വീണ്ടും 500 കടന്ന് കൊറോണ രോഗികള്; മരണം 618 ആയി, ജില്ലയില് ചികില്സയില് 2,210 പേര്
മലപ്പുറം: ജില്ലയില് കോവിഡ് പ്രതിദിന രോഗബാധിതരുടെ എണ്ണം വീണ്ടും 500 കവിഞ്ഞു. ശനിയാഴ്ച 549 പേര്ക്കാണ് വൈറസ് ബാധ സ്ഥിരീകരിച്ചത്. കോവിഡ് 19 സ്ഥിരീകരിച്ചവരില് 528 പേര്ക്കും നേരിട്ടുള്ള സമ്പര്ക്കത്തിലൂടെയാണ് വൈറസ് ബാധ. ഉറവിടമറിയാതെ ഒമ്പത് പേര്ക്കും രോഗം ബാധിച്ചു. നാല് പേര് വിവിധ വിദേശ രാജ്യങ്ങളില് നിന്നും എട്ട് പേര് ഇതര സംസ്ഥാനങ്ങളില് നിന്നും ജില്ലയില് തിരിച്ചെത്തിയവരാണ്. 18,871 പേരാണ് ഇപ്പോള് ജില്ലയില് നിരീക്ഷണത്തിലുള്ളത്.
2,210 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 136 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 86 പേരും 75 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തില് കഴിയുന്നു. 304 പേരാണ് വിദഗ്ധ ചികിത്സയ്ക്കു ശേഷം ശനിയാഴ്ച രോഗമുക്തരായി വീടുകളിലേക്ക് മടങ്ങിയത്. ഇതോടെ ജില്ലയില് രോഗ വിമുക്തരായവരുടെ എണ്ണം 1,23,371 ആയി. ഇതുവരെ 618 പേരാണ് കോവിഡ് ബാധിതരായി ജില്ലയില് മരിച്ചത്.
മഞ്ചേശ്വരത്ത് യുഡിഎഫ് തോല്ക്കും? മുസ്ലിം ലീഗില് ചര്ച്ച, അവര് പാലം വലിച്ചു, ബിജെപി ആഹ്ലാദത്തില്
ലോക്ക്ഡൗണില് മഹാരാഷ്ട്ര, ചിത്രങ്ങള്
അതേസമയം, സംസ്ഥാനത്ത് ഇന്ന് 6194 പേര്ക്കാണ് കോവിഡ്-19 സ്ഥിരീകരിച്ചത്. 171 പേര് സംസ്ഥാനത്തിന് പുറത്ത് നിന്നും വന്നവരാണ്. 5596 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 404 പേരുടെ സമ്പര്ക്ക ഉറവിടം വ്യക്തമല്ല. 23 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2584 പേരുടെ പരിശോധനാഫലം നെഗറ്റീവ് ആയി. 39,778 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
സാരിയിൽ അതിസുന്ദരിയായി മലയാളികളുടെ ഇഷ്ടനായിക, കീർത്തി സുരേഷിന്റെ ചിത്രങ്ങൾ കാണാം