മലപ്പുറത്ത് 3085 പേര്ക്ക് കൂടി കൊറോണ രോഗം; ജില്ലയില് ചികില്സയില് 37,944 പേര്
മലപ്പുറം: ജില്ലയില് പ്രതിദിന കോവിഡ് രോഗബാധിതരുടെ എണ്ണം കുറയുന്നില്ല. ഞായറാഴ്ച 3,085 പേര്കൂടി വൈറസ് ബാധ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 30.46 ആണ് കോവിഡ് ടെസ്റ്റ് പോസിറ്റീവിറ്റി നിരക്ക്. നേരിട്ടുള്ള സമ്പര്ക്കത്തിലൂടെ രോഗബാധിതരാകുന്നവര് വര്ധിക്കുന്നതാണ് ജില്ലയില് വൈറസ് വ്യാപനത്തിന്റെ തോത് ഉയരാന് പ്രധാന കാരണം. ഞായറാഴ്ച വൈറസ്ബാധിതരായവരില് 2,895 പേര്ക്കും നേരിട്ടുള്ള സമ്പര്ക്കത്തിലാണ് വൈറസ്ബാധ. മൂന്ന് ആരോഗ്യ പ്രവര്ത്തകര്ക്ക് ഞായറാഴ്ച രോഗബാധയുണ്ടായി. 147 പേര്ക്ക് ഉറവിടമറിയാതെയും രോഗബാധ സ്ഥിരീകരിച്ചു. രോഗം സ്ഥിരീകരിച്ചവരില് നാല് പേര് വിദേശ രാജ്യങ്ങളില് നിന്നും 36 പേര് ഇതര സംസ്ഥാനങ്ങളില് നിന്നും ജില്ലയിലെത്തിയവരാണ്.
അതിനിടെ ജില്ലക്ക് ആശ്വാസമായി 1,758 പേര് ഞായറാഴ്ച രോഗമുക്തരായതായും ഡില്ലാ മെഡിക്കല് ഓഫീസര് അറിയിച്ചു. ഇതോടെ വിദഗ്ധ ചികിത്സക്ക് ശേഷം രോഗവിമുക്തരായവരുടെ എണ്ണം ജില്ലയില് 1,35,622 പേരായി. 56,609 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 37,944 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 1,055 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 201 പേരും 311 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി ജില്ലയില് 684 പേരാണ് കോവിഡ് ബാധിതരായി മരിച്ചത്.
അതേസമയം, കേരളത്തില് ഇന്ന് 31,959 പേര്ക്കാണ് കോവിഡ്-19 സ്ഥിരീകരിച്ചത്. 266 പേര് സംസ്ഥാനത്തിന് പുറത്ത് നിന്നും വന്നവരാണ്. 29,700 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 1912 പേരുടെ സമ്പര്ക്ക ഉറവിടം വ്യക്തമല്ല. 81 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 16,296 പേരുടെ പരിശോധനാഫലം നെഗറ്റീവ് ആയി. 3,39,441 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
Click it and Unblock the Notifications
Sign in with Google