മലപ്പുറത്ത് 37 പേര്ക്ക് കൊറോണ ഭേദമായി; ഇനി ചികില്സയില് 572 പേര്
മലപ്പുറം: കോവിഡ് 19 സ്ഥിരീകരിച്ച് മലപ്പുറം ജില്ലയില് ഐസൊലേഷന് കേന്ദ്രങ്ങളില് ചികിത്സയിലായിരുന്ന 37 പേര് കൂടി രോഗമുക്തരായി. രോഗബാധിതരായി 572 പേര് ചികിത്സയില് കഴിയുന്നു. ജില്ലയില് ഇതുവരെ 1,173 പേര്ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 922 പേര്ക്ക് കൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
അന്താരാഷ്ട്ര വിമാന സർവീസ് പുനരാരംഭിക്കുന്നു: യുഎസിലേക്കും ഫ്രാൻസിലേക്കും വെള്ളിയാഴ്ച മുതൽ സർവീസ്
42,522 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 717 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 443 പേരും തിരൂരങ്ങാടി താലൂക്ക് ആശുപത്രിയില് മൂന്ന് പേരും നിലമ്പൂര് ജില്ലാ ആശുപത്രിയില് മൂന്ന് പേരും കാളികാവ് പ്രത്യേക ചികിത്സാ കേന്ദ്രത്തില് 60 പേരും മുട്ടിപ്പാലം പ്രത്യേക ചികിത്സാ കേന്ദ്രത്തില് 31 പേരും കരിപ്പൂര് ഹജ്ജ് ഹൗസില് 177 പേരുമാണ് കഴിയുന്നത്. 39,997 പേര് വീടുകളിലും 1,808 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
Recommended Video
സച്ചിന് പൈലറ്റിനും സംഘത്തിനും ഉഗ്രന് പണി കൊടുത്ത് ബിജെപി; റിസോര്ട്ടില് നിന്നിറങ്ങാനാകില്ല
ജില്ലയില് നിന്ന് ഇതുവരെ 14,821 പേരുടെ സാമ്പിളുകള് പരിശോധനക്കയച്ചതില് 13,032 പേരുടെ ഫലം ലഭിച്ചു. 12,104 പേര്ക്ക് സ്രവ പരിശോധനയിലൂടെ ഇതുവരെ വൈറസ് ബാധയില്ലെന്ന് സ്ഥിരീകരിച്ചിട്ടുണ്ട്. 1,789 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. വിദഗ്ധ ചികിത്സക്കു ശേഷം 594 പേര് രോഗമുക്തരായി വീടുകളിലേക്ക് മടങ്ങി.
അതേസമയം, ജില്ലയില് 42 പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. ഇവരില് എട്ട് പേര്ക്ക് സമ്പര്ക്കത്തിലൂടെയാണ് രോഗബാധ. ഇതില് നാല് പേര്ക്ക് രോഗബാധയുണ്ടായതിന്റെ ഉറവിടം കണ്ടെത്തിയിട്ടില്ല. രോഗം സ്ഥിരീകരിച്ചവരില് ശേഷിക്കുന്ന അഞ്ച് പേര്ക്ക് ഇതര സംസ്ഥാനങ്ങളില് നിന്നെത്തിയും രോഗബാധ സ്ഥിരീകരിച്ചു. രോഗബാധ സ്ഥിരീകരിച്ചവരില് 29 പേര് വിവിധ വിദേശ രാജ്യങ്ങളില് നിന്നെത്തിയവരാണെന്നും ജില്ലാ കലക്ടര് കെ. ഗോപാലകൃഷ്ണന് അറിയിച്ചു.
ഫ്ളോറന്സ് നൈറ്റിങ്ഗെയ്ല് പുനര്ജനിക്കണമോ? ഇന്ത്യയുടെ ആരോഗ്യം വീണ്ടെടുക്കാന്... അവലോകനം
ഫൈസല് ഫരീദിനെ പിടിക്കാന് വലവീശി കേന്ദ്രം; പാസ്പോര്ട്ട് റദ്ദാക്കി, വിലാസം ഇയാളുടേത് തന്നെ...