മലപ്പുറത്ത് കൊറോണ രോഗികള് 4000 പിന്നിട്ടു; ജില്ലയില് മരണം 699 ആയി ഉയര്ന്നു
മലപ്പുറം: ജില്ലയില് 4,000 പിന്നിട്ട് പ്രതിദിന കോവിഡ് ബാധിതര്. ചൊവ്വാഴ്ച 4,323 പേര്കൂടി കോവിഡ് 19 വൈറസ് ബാധ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. പ്രതിദിന രോഗബാധിതരുടെ എണ്ണത്തില് ഏറ്റവും ഉയര്ന്ന നിരക്കാണിത്. 31.74 ശതമാനമാണ് കോവിഡ് ടെസ്റ്റ് പോസിറ്റീവിറ്റി നിരക്ക്. 4,161 പേര്ക്കും നേരിട്ടുള്ള സമ്പര്ക്കത്തിലൂടെയാണ് വൈറസ്ബാധ. മൂന്ന് ആരോഗ്യ പ്രവര്ത്തകര്ക്കും രോഗബാധ സ്ഥിരീകരിച്ചു. 144 പേര്ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. വിദേശ രാജ്യങ്ങളില് നിന്ന് തിരിച്ചെത്തിയ മൂന്ന് പേര്ക്കും ഇതര സംസ്ഥാനങ്ങളില് നിന്നെത്തിയ 12 പേര്ക്കും രോഗബാധ സ്ഥിരീകരിച്ചിട്ടുണ്ട്.
രോഗവ്യാപനം വര്ധിക്കുന്നതിനൊപ്പം പരാമവധി പേരെ വിദഗ്ധ ചികിത്സ നല്കി സാധാരണ ജീവിതത്തിലേക്ക് തിരിച്ചു കൊണ്ടുവരാനുള്ള അക്ഷീണ ശ്രമത്തിലാണ് ആരോഗ്യ പ്രവര്ത്തകരെന്ന് ജില്ലാ മെഡിക്കല് ഓഫീസര് പറഞ്ഞു. ചൊവ്വാഴ്ച ജില്ലയില് 2,125 പേരാണ് ഇത്തരത്തില് രോഗമുക്തരായത്. ഇതോടെ ജില്ലയില് രോഗവിമുക്തരായവരുടെ എണ്ണം 1,39,653 ആയി.
60,304 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 41,508 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 1,133 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 192 പേരും 344 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് ഡൊമിസിലിയറി കെയര് സെന്ററുകളിലും വീടുകളിലും മറ്റുമായി നിരീക്ഷണത്തില് കഴിയുന്നു. ഇതുവരെയായി ജില്ലയില് 699 പേരാണ് കോവിഡ് ബാധിതരായി മരിച്ചത്.
Recommended Video
Click it and Unblock the Notifications
Sign in with Google