മലപ്പുറത്ത് കൊറോണ മരണം 453 ആയി; ഇന്ന് രോഗം ബാധിച്ചത് 482 പേര്ക്ക്
മലപ്പുറം: ജില്ലയില് ഇന്ന് 482 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. നേരിട്ടുള്ള സമ്പര്ക്കത്തിലൂടെ 469 പേര്ക്കും 10 പേര്ക്ക് ഉറവിടമറിയാതെയുമാണ് രോഗബാധ. ഇന്ന് രോഗബാധ സ്ഥിരീകരിച്ചവരില് രണ്ട് പേര് ഇതര സംസ്ഥാനങ്ങളില് നിന്നെത്തിയവരാണ്. 419 പേരാണ് വിദഗ്ധ ചികിത്സക്ക് ശേഷം ജില്ലയില് ഇന്ന് രോഗമുക്തി നേടിയത്. ഇവരുള്പ്പെടെ 81,829 പേരാണ് ജില്ലയില് ഇതുവരെ രോഗമുക്തരായത്.
ജില്ലയില് 73,103 പേരാണ് നിരീക്ഷണത്തില് കഴിയുന്നത്. 5,295 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 550 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 187 പേരും 183 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 453 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
കോവിഡ് 19 വ്യാപനത്തിനുള്ള സാധ്യത നിലനില്ക്കുന്നതിനാല് പൊതുജനങ്ങള് ആരോഗ്യ ജാഗ്രതാ നിര്ദ്ദേശങ്ങള് കര്ശനമായി പാലിക്കണമെന്ന് ജില്ലാ മെഡിക്കല് ഓഫീസര് അറിയിച്ചു. കോവിഡ് സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല് നമ്പര്- 0483 2737857.
Click it and Unblock the Notifications
Sign in with Google