മലപ്പുറത്ത് ഇന്ന് 421 പേര്ക്ക് കൊറോണ രോഗം ഭേദമായി; ജില്ലയില് ചികിത്സയില് 4,747 പേര്
മലപ്പുറം: ജില്ലയില് ഇന്ന് 421 പേര് കോവിഡ് 19 വിമുക്തരായതായി ജില്ലാ മെഡിക്കല് ഓഫീസര് അറിയിച്ചു. ഇവരുള്പ്പടെ ജില്ലയില് 88,584 പേരാണ് ഇതുവരെ രോഗ മുക്തരായത്. അതേസമയം 432 പേര്ക്കാണ് ഇന്ന് ജില്ലയില് കോവിഡ് 19 സ്ഥിരീകരിച്ചത്. രോഗബാധിതരായവരില് 407 പേര്ക്ക് നേരിട്ടുള്ള സമ്പര്ക്കത്തിലൂടെയും 23 പേര്ക്ക് ഉറവിടമറിയാതെയുമാണ് വൈറസ്ബാധ. കൂടാതെ ഇതര സംസ്ഥാനങ്ങളില് നിന്നെത്തിയ രണ്ട് പേര്ക്കും രോഗം സ്ഥിരീകരിച്ചിട്ടുണ്ട്.
ജില്ലയില് 21,136 പേരാണ് ഇപ്പോള് നിരീക്ഷണത്തില് കഴിയുന്നത്. 4,747 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 358 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 132 പേരും 144 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി ജില്ലയില് 495 പേരാണ് കോവിഡ് ബാധിച്ച് മരണപ്പെട്ടിട്ടുള്ളത്.
ഏറനാട് മണ്ഡലത്തില് നിന്ന് പികെ ബഷീറിനെ മാറ്റും; പ്രമുഖന് രംഗത്ത്, അധികാരം കിട്ടിയാല് മന്ത്രിയും
തൊഴിലിടങ്ങളിലുള്പ്പടെ ആരോഗ്യ വകുപ്പിന്റെ കോവിഡ് ജാഗ്രതാ നിര്ദേശങ്ങള് കൃത്യമായി പാലിക്കണം. നിര്ബന്ധമായും മാസ്ക് ധരിക്കുകയും മറ്റ് മുന്കരുതലുകള് സ്വീകരിക്കുകയും വേണം. സംസ്ഥാനത്ത് ഇന്ന് 6394 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 1068, കോഴിക്കോട് 729, പത്തനംതിട്ട 666, കോട്ടയം 555, കൊല്ലം 548, തൃശൂര് 502, ആലപ്പുഴ 446, തിരുവനന്തപുരം 416, ഇടുക്കി 271, പാലക്കാട് 255, കണ്ണൂര് 219, വയനാട് 210, കാസര്ഗോഡ് 77 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.