മലപ്പുറത്ത് 43 പേര്ക്ക് കൊറോണ രോഗം ഭേദമായി; ഇനി ചികില്സയില് 566 പേര്
മലപ്പുറം: കോവിഡ് സ്ഥിരീകരിച്ച് മലപ്പുറം ജില്ലയില് ഐസൊലേഷന് കേന്ദ്രങ്ങളില് ചികിത്സയിലായിരുന്ന 43 പേര് കൂടി രോഗമുക്തരായി. രോഗബാധിതരായി 566 പേര് ചികിത്സയില് കഴിയുന്നു. ജില്ലയില് ഇതുവരെ 1,129 പേര്ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 877 പേര്ക്ക് കൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
42,628 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 743 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 482 പേരും തിരൂരങ്ങാടി താലൂക്ക് ആശുപത്രിയില് രണ്ട് പേരും നിലമ്പൂര് ജില്ലാ ആശുപത്രിയില് മൂന്ന് പേരും തിരൂര് ജില്ലാ ആശുപത്രിയില് ഒരാളും കാളികാവ് പ്രത്യേക ചികിത്സാ കേന്ദ്രത്തില് 61 പേരും മുട്ടിപ്പാലം പ്രത്യേക ചികിത്സാ കേന്ദ്രത്തില് 34 പേരും കരിപ്പൂര് ഹജ്ജ് ഹൗസില് 160 പേരുമാണ് കഴിയുന്നത്. 40,045 പേര് വീടുകളിലും 1,840 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
Recommended Video
ജില്ലയില് നിന്ന് ഇതുവരെ 14,499 പേരുടെ സാമ്പിളുകള് പരിശോധനക്കയച്ചതില് 12,485 പേരുടെ ഫലം ലഭിച്ചു. 2,014 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. വിദഗ്ധ ചികിത്സക്കു ശേഷം 557 പേര് രോഗമുക്തരായി വീടുകളിലേക്ക് മടങ്ങി.
ജില്ലയില് 18 പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. ഇവരില് നാല് പേര്ക്ക് സമ്പര്ക്കത്തിലൂടെയാണ് രോഗബാധ. നാലുപേര് ഇതര സംസ്ഥാനങ്ങളില് നിന്നെത്തിയവരാണ്. 10 പേര് വിവിധ വിദേശ രാജ്യങ്ങളില് നിന്നെത്തിയവരാണ്.
ജൂണ് 25 ന് രോഗബാധ സ്ഥിരീകരിച്ച കണ്ണമംഗലം സ്വദേശിയുടെ ഭാര്യ കണ്ണമംഗലം സ്വദേശിനി (34), ജൂലൈ ഏഴിന് രോഗബാധ സ്ഥിരീകരിച്ച പൊന്നാനിയിലെ പൊലീസ് ഓഫീസറുമായി ബന്ധമുണ്ടായ കാവനൂര് സ്വദേശി (44), ജൂലൈ ഏഴിന് രോഗബാധ സ്ഥിരീകരിച്ച ചീക്കോട് സ്വദേശിയുമായി ബന്ധമുണ്ടായ ചീക്കോട് സ്വദേശി (43), ഉറവിടമറിയാതെ വൈറസ് ബാധിതനായ വട്ടംകുളം സ്വദേശി (33) എന്നിവര്ക്കാണ് സമ്പര്ക്കത്തിലൂടെ രോഗബാധ സ്ഥിരീകരിച്ചത്.
Click it and Unblock the Notifications
Sign in with Google