മലപ്പുറത്ത് കൊറോണ ചികില്സയില് 4465 പേര്; ഇന്ന് രോഗം ഭേദമായത് 447 പേര്ക്ക്
മലപ്പുറം: ജില്ലയില് ബുധനാഴ്ച 409 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് അറിയിച്ചു. നേരിട്ടുള്ള സമ്പര്ക്കത്തിലൂടെ 385 പേര്ക്കും 19 പേര്ക്ക് ഉറവിടമറിയാതെയുമാണ് രോഗബാധ. രോഗബാധ സ്ഥിരീകരിച്ചവരില് അഞ്ച് പേര് ഇതര സംസ്ഥാനങ്ങളില് നിന്ന് ജില്ലയില് തിരിച്ചെത്തിയവരാണ്. 447 പേര്ക്കാണ് വിദഗ്ധ ചികിത്സക്ക് ശേഷം ജില്ലയില് ഇന്ന് രോഗമുക്തിയുണ്ടായത്. ഇവരുള്പ്പെടെ 91,869 പേരാണ് ജില്ലയില് ഇതുവരെ രോഗമുക്തരായത്.
ജില്ലയിലിപ്പോള് 21,524 പേരാണ് നിരീക്ഷണത്തില് കഴിയുന്നത്. 4,465 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 322 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 158 പേരും 113 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 503 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
പിണറായിക്ക് നേരെ 'കൈ ചൂണ്ടിയ' ഫാത്തിമ തെഹ്ലിയ മുസ്ലിം ലീഗ് സ്ഥാനാര്ഥിയായേക്കും; രണ്ടാം വനിത
അതേസമയം, കേരളത്തില് ഇന്ന് 6004 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 998, കോഴിക്കോട് 669, കോട്ടയം 589, കൊല്ലം 528, പത്തനംതിട്ട 448, തൃശൂര് 437, ആലപ്പുഴ 432, തിരുവനന്തപുരം 386, ഇടുക്കി 284, കണ്ണൂര് 259, വയനാട് 248, പാലക്കാട് 225, കാസര്ഗോഡ് 92 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 69,081 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 8.69 ആണ്. 26 പേര് മരിച്ചു. ഇതോടെ ആകെ മരണം 3373 ആയി.