മലപ്പുറത്തിന് ആശ്വാസം; രോഗമുക്തര് 1000ത്തിലധികം, ഇനി രോഗബാധിതര് 8000ത്തില് പേര്
മലപ്പുറം: ജില്ലയില് വ്യാഴാഴ്ച 447 പേര്ക്ക് കോവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇതില് 327 പേര്ക്കും നേരിട്ടുള്ള സമ്പര്ക്കത്തിലൂടെയാണ് രോഗബാധ. 54 പേര്ക്ക് ഉറവിടമറിയാതെയും വൈറസ്ബാധ സ്ഥിരീകരിച്ചു. 30 ആരോഗ്യ പ്രവര്ത്തകര്ക്കും വൈറസ് ബാധയുണ്ടായി. രോഗബാധയുണ്ടായവരില് 10 പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന 26 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. അതിനിടെ ആശ്വാസമായി 1,010 പേര് ജില്ലയില് വിദഗ്ധ ചികിത്സയ്ക്ക് ശേഷം രോഗമുക്തരായി. ഇതുവരെ 29,401 പേര് കോവിഡ് പ്രത്യേക ചികിത്സയ്ക്ക് ശേഷം രോഗം ഭേദമായി വീടുകളിലേക്ക് മടങ്ങിയിട്ടുണ്ട്.
ജില്ലയില് കോവിഡ് ബാധിതരാകുന്നവരുടെ എണ്ണത്തില് കുറവുണ്ടായത് ആശ്വാസകരമാണെന്ന് ജില്ലാ കലക്ടര് കെ. ഗോപാലകൃഷ്ണന് പറഞ്ഞു. 49,232 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 7,993 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 475 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,481 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ 154 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
കോവിഡ് ബാധിതരാകുന്നവരുടെ എണ്ണം വര്ധിക്കാതിരിക്കാന് ആരോഗ്യ ജാഗ്രത കര്ശനമായി പാലിക്കണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന പറഞ്ഞു. പൊതുജന സഹകരണമില്ലാതെ കോവിഡ് വ്യാപനം തടയാനാകില്ല. ചെറിയ വീഴ്ചകള് പോലും വലിയ വിപത്തിന് കാരണമാകുന്ന സ്ഥിതിയാണ് നിലവിലേത്. ഇത് ഉള്ക്കൊണ്ടുള്ള സമീപനമാണ് പൊതുജനങ്ങളില് നിന്ന് ഉണ്ടാകേണ്ടതെന്നും ജില്ലാ മെഡിക്കല് ഓഫീസര് പറഞ്ഞു. അത്യാവശ്യങ്ങള്ക്ക് മാത്രമെ വീടുകളില് നിന്ന് പുറത്തിറങ്ങാവൂ. നിലവിലെ നിയന്ത്രണങ്ങള് ഒരു കാരണവശാലും ദുരുപയോഗം ചെയ്യാന് പാടില്ല. മുതിര്ന്ന പൗരന്മാര്, കുട്ടികള്, ഗര്ഭിണികള്, മാറാരോഗികള് എന്നിവര് വൈറസ് ബാധിതരാകുകയാണെങ്കില് ആരോഗ്യസ്ഥിതി ഗുരുതരമാകാനുള്ള സാധ്യത കൂടുതലാണ്. ഈ വിഭാഗത്തിലുള്ളവരുമായി പുറത്തുനിന്നുള്ളവരാരും നേരിട്ട് സമ്പര്ക്കം പുലര്ത്തരുത്.
Recommended Video
Click it and Unblock the Notifications
Sign in with Google