മലപ്പുറത്ത് ഇന്ന് 456 പേര്ക്ക് കൊറോണ രോഗം ഭേദമായി; മരണം 510 ആയി ഉയര്ന്നു
മലപ്പുറം: ജില്ലയില് ഇന്ന് 456 പേര് കോവിഡ് 19 രോഗമുക്തരായതായി ജില്ലാ മെഡിക്കല് ഓഫീസര് അറിയിച്ചു. ഇതോടെ ജില്ലയില് കോവിഡ് മുക്തരായവരുടെ എണ്ണം 93,419 ആയി. അതേസമയം 489 പേര്ക്കാണ് ഇന്ന് രോഗബാധയുണ്ടായത്. ഇതില് 469 പേര്ക്ക് നേരിട്ടുള്ള സമ്പര്ക്കത്തിലൂടെയും 10 പേര്ക്ക് ഉറവിടമറിയാതെയുമാണ് വൈറസ്ബാധയുണ്ടായത്. കൂടാതെ വിദേശ രാജ്യങ്ങളില് നിന്നെത്തിയ രണ്ട് പേര്ക്കും ഇതര സംസ്ഥാനങ്ങളില് നിന്നെത്തിയ എട്ട് പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
ജില്ലയില് നിലവില് 20,777 പേരാണ് നിരീക്ഷണത്തില് കഴിയുന്നത്. 4,588 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 303 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 151 പേരും 146 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 510 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
കുഞ്ഞാലിക്കുട്ടി വാദിച്ചത് മജീദിന് വേണ്ടി; ഹൈദരലി തങ്ങള് വഹാബിനെ സ്ഥാനാര്ഥിയാക്കി... അന്ന് നടന്നത്
കേരളത്തില് ഇന്ന് 6000ത്തോളം പേര്ക്ക് കൊറോണ രോഗം സ്ഥിരീകരിച്ചു. എറണാകുളം ജില്ലയില് മാത്രമാണ് 1000ത്തിലധികം പേര്ക്ക് രോഗം. ഇന്ന് 2 പുതിയ ഹോട്ട് സ്പോട്ടുകളാണുള്ളത്. 9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 412 ഹോട്ട് സ്പോട്ടുകളാണുള്ളത്. എറണാകുളം 1046, കോഴിക്കോട് 722, കോട്ടയം 552, പത്തനംതിട്ട 487, കൊല്ലം 445, തൃശൂര് 421, തിരുവനന്തപുരം 377, ആലപ്പുഴ 355, പാലക്കാട് 348, വയനാട് 238, കണ്ണൂര് 207, ഇടുക്കി 181, കാസര്ഗോഡ് 92 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. 1355 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.