മലപ്പുറത്ത് സമ്പര്ക്കം വഴിയുള്ള കൊറോണ രോഗ വ്യാപനം ആശങ്ക സൃഷ്ടിക്കുന്നു
മലപ്പുറം: ജില്ലയില് തിങ്കളാഴ്ച 388 പേര്ക്ക് കോവിഡ് 19 സ്ഥിരീകരിച്ചു. ഇതില് 377 പേര്ക്കും നേരിട്ടുള്ള സമ്പര്ക്കത്തിലൂടെയാണ് വൈറസ്ബാധയുണ്ടായത്. നേരിട്ടുള്ള സമ്പര്ക്കത്തിലൂടെ രോഗബാധിതരാകുന്നവര് വര്ധിക്കുന്ന സ്ഥിതി തുടരുന്നത് ആശങ്കാജനകമാണെന്നും ഈ സാഹചര്യത്തില് കോവിഡ് ജാഗ്രതാ നിര്ദ്ദേശങ്ങള് എല്ലാവരും കര്ശനമായി പാലിക്കണമെന്നും ജില്ലാ മെഡിക്കല് ഓഫീസര് ആവര്ത്തിച്ച് അറിയിച്ചു. ആരോഗ്യ മേഖലയില് പ്രവര്ത്തിക്കുന്ന ഒരാളും ഉറവിടമറിയാതെ ഏഴ് പേരും ഇന്ന് രോഗബാധിതരായവരില് ഉള്പ്പെടുന്നു. രോഗം സ്ഥിരീകരിച്ചവരില് ഒരാള് വിവിധ വിദേശ രാജ്യങ്ങളില് നിന്നും രണ്ട് പേര് ഇതര സംസ്ഥാനത്ത് നിന്ന് ജില്ലയിലെത്തിയതുമാണ്.
വിദഗ്ധ ചികിത്സയ്ക്ക് ശേഷം 457 പേരാണ് ജില്ലയില് തിങ്കഴാഴ്ച രോഗ വിമുക്തരായത്. ഇവരുള്പ്പെടെ 91,121 പേര് ഇതുവരെ രോഗമുക്തി നേടി. ജില്ലയിലിപ്പോള് 21,839 പേരാണ് നിരീക്ഷണത്തില് കഴിയുന്നത്. 4,406 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 306 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 143 പേരും 125 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുന്നു. ഇതുവരെ 502 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
സംസ്ഥാനത്ത് ഇന്ന് 3110 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 443, കോഴിക്കോട് 414, കോട്ടയം 321, കൊല്ലം 236, തിരുവനന്തപുരം 222, ആലപ്പുഴ 186, പാലക്കാട് 176, തൃശൂര് 168, കണ്ണൂര് 160, ഇടുക്കി 141, പത്തനംതിട്ട 131, വയനാട് 76, കാസര്ഗോഡ് 48 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. 20 പേര് മരിച്ചു. ഇതോടെ ആകെ മരണം 3322 ആയി. 948 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google