മലപ്പുറത്ത് ചികില്സയില് 5,335 പേര്; ഇന്ന് കൊറോണ രോഗം ബാധിച്ചത് 610 പേര്ക്ക്
മലപ്പുറം: ജില്ലയില് ഇന്ന് 610 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് അറിയിച്ചു. ഇതില് 586 പേര്ക്കും നേരത്തെ രോഗം സ്ഥിരീകരിച്ചവരുമായുള്ള സമ്പര്ക്കത്തിലൂടെയാണ് വൈറസ് ബാധ. 19 പേര്ക്ക് രോഗം ബാധിച്ചതിന്റെ ഉറവിടം കണ്ടെത്തിവരികയാണ്. ആരോഗ്യ മേഖലയില് പ്രവര്ത്തിക്കുന്ന ഒരാള്ക്കും ഇന്ന് രോഗം സ്ഥിരീകരിച്ചിട്ടുണ്ട്. ഇന്ന് രോഗം ബാധിച്ചവരില് രണ്ട് പേര് ഇതര സംസ്ഥാനത്ത് നിന്നും രണ്ട് പേര് വിദേശ രാജ്യങ്ങളില് നിന്നും എത്തിയവരാണ്.
അതേസമയം 475 പേരാണ് വിദഗ്ധ ചികിത്സയ്ക്ക് ശേഷം ഇന്ന് കോവിഡ് രോഗമുക്തരായത്. ഇവരുള്പ്പെടെ 84,386 പേരാണ് ഇതുവരെ ജില്ലയില് രോഗമുക്തി നേടിയത്. ജില്ലയില് 68,516 പേരാണ് നിരീക്ഷണത്തില് കഴിയുന്നത്. 5,335 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 462 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 213 പേരും 182 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 477 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
സംസ്ഥാനത്ത് കോട്ടയം ജില്ലയിലാണ് ഇന്ന് കൂടുതല് രോഗികള്. ഇന്ന് ഒരു പുതിയ ഹോട്ട് സ്പോട്ടാണുള്ളത്. പാലക്കാട് ജില്ലയിലെ തിരുമിറ്റകോട് (കണ്ടെന്മെന്റ് സോണ് വാര്ഡ് 6) ആണ് പുതിയ ഹോട്ട് സ്പോട്ട്. ഇന്ന് 3 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി.
സംസ്ഥാനത്ത് 5887 പേര്ക്കാണ് ഇന്ന് കോവിഡ്-19 സ്ഥിരീകരിച്ചത്. കോട്ടയം 777, എറണാകുളം 734, തൃശൂര് 649, പത്തനംതിട്ട 561, കോഴിക്കോട് 507, കൊല്ലം 437, തിരുവനന്തപുരം 414, ആലപ്പുഴ 352, പാലക്കാട് 249, കണ്ണൂര് 230, വയനാട് 208, ഇടുക്കി 100, കാസര്ഗോഡ് 59 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
Click it and Unblock the Notifications
Sign in with Google