മലപ്പുറത്ത് 515 പേര്ക്ക് കൊറോണ രോഗം ഭേദമായി; ജില്ലയില് ഇതുവരെ മരിച്ചത് 510 പേര്
മലപ്പുറം: ജില്ലയില് ഞായറാഴ്ച 515 പേര് കോവിഡ് 19 രോഗമുക്തരായതായി ജില്ലാ മെഡിക്കല് ഓഫീസര് അറിയിച്ചു. ഇതോടെ ജില്ലയില് കോവിഡ് മുക്തരായവരുടെ എണ്ണം 93,932 ആയി. അതേസമയം ആരോഗ്യ മേഖലയില് പ്രവര്ത്തിക്കുന്ന ഒരാളുള്പ്പടെ 479 പേര്ക്കാണ് ഇന്ന് രോഗബാധയുണ്ടായത്. ഇതില് 457 പേര്ക്ക് നേരിട്ടുള്ള സമ്പര്ക്കത്തിലൂടെയും 14 പേര്ക്ക് ഉറവിടമറിയാതെയുമാണ് വൈറസ്ബാധ. കൂടാതെ വിദേശത്ത് നിന്നെത്തിയ ഒരാള്ക്കും ഇതര സംസ്ഥാനങ്ങളില് നിന്നെത്തിയ ആറ് പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
ജില്ലയില് നിലവില് 20,902 പേരാണ് നിരീക്ഷണത്തില് കഴിയുന്നത്. 4,554 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 307 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 121 പേരും 133 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 510 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
അതേസമയം, കേരളത്തില് ഇന്ന് 5000ത്തിലധികം പേര്ക്ക് കൊറോണ രോഗം സ്ഥിരീകരിച്ചു. എറണാകുളം ജില്ലയിലാണ് ഇന്ന് കൂടുതല് രോഗികള്. ഇന്ന് 8 പുതിയ ഹോട്ട് സ്പോട്ടുകളാണുള്ളത്. ഒരു പ്രദേശത്തെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 420 ഹോട്ട് സ്പോട്ടുകളാണുള്ളത്. എറണാകുളം 767, കോഴിക്കോട് 677, കൊല്ലം 439, പത്തനംതിട്ട 427, കോട്ടയം 399, ആലപ്പുഴ 302, തിരുവനന്തപുരം 296, തൃശൂര് 262, കണ്ണൂര് 239, ഇടുക്കി 237, വയനാട് 226, പാലക്കാട് 176, കാസര്ഗോഡ് 79 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. 21 പേര് മരിച്ചു. ഇതോടെ ആകെ മരണം 3463 ആയി.