സംസ്ഥാനത്ത് ഇന്ന് കൂടുതല് കൊറോണ രോഗികള് മലപ്പുറത്ത്; ജില്ലയില് ചികില്സയിലുള്ളത് 4,161 പേര്
മലപ്പുറം: ജില്ലയില് ഇന്ന് 517 പേര് കോവിഡ് രോഗമുക്തരായതായി ജില്ലാ മെഡിക്കല് ഓഫീസര് ഡോ. കെ സക്കീന അറിയിച്ചു. ഇതോടെ ജില്ലയില് രോഗമുക്തി നേടിയവരുടെ എണ്ണം 1,01,266 ആയി. 516 പേര്ക്ക് ഇന്ന് കോവിഡ് 19 സ്ഥിരീകരിച്ചതില് 504 പേര്ക്ക് നേരിട്ടുള്ള സമ്പര്ക്കത്തിലൂടെയും 10 പേര്ക്ക് ഉറവിടമറിയാതെയുമാണ് രോഗബാധയുണ്ടായത്. കൂടാതെ വിദേശരാജ്യത്ത് നിന്നും ഇതരസംസ്ഥാനത്ത് നിന്നും എത്തിയ ഓരോരുത്തര്ക്കും ഇന്ന് രോഗം സ്ഥിരീകരിച്ചിട്ടുണ്ട്. സംസ്ഥാനത്ത് ഇന്ന് കൂടുതല് കൊറോണ രോഗം റിപ്പോര്ട്ട് ചെയ്തത് മലപ്പുറം ജില്ലയിലാണ്.
ജില്ലയില് നിലവില് 20,934 പേരാണ് നിരീക്ഷണത്തില് കഴിയുന്നത്. 4,161 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 263 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 101 പേരും 75 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 539 പേരാണ് കോവിഡ് ബാധിതരായി ജില്ലയില് മരിച്ചത്.
കേരളത്തില് ഇന്ന് 3459 പേര്ക്കാണ് കോവിഡ്-19 സ്ഥിരീകരിച്ചത്. കോഴിക്കോട് 432, എറണാകുളം 424, കോട്ടയം 302, തിരുവനന്തപുരം 288, തൃശൂര് 263, ആലപ്പുഴ 256, കൊല്ലം 253, പത്തനംതിട്ട 184, കണ്ണൂര് 157, പാലക്കാട് 145, ഇടുക്കി 114, വയനാട് 84, കാസര്ഗോഡ് 41 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 47 പേര് സംസ്ഥാനത്തിന് പുറത്ത് നിന്നും വന്നവരാണ്. രോഗം സ്ഥിരീകരിച്ച് ചികിത്സയിലായിരുന്ന 5215 പേരുടെ പരിശോധനാഫലം നെഗറ്റീവ് ആയി. സംസ്ഥാനത്തെ വിവിധ ജില്ലകളിലായി 2,18,909 പേരാണ് ഇപ്പോള് നിരീക്ഷണത്തിലുള്ളത്. ഇന്ന് 4 പുതിയ ഹോട്ട് സ്പോട്ടുകളാണുള്ളത്. 3 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. നിലവില് ആകെ 376 ഹോട്ട് സ്പോട്ടുകളാണുള്ളത്.
Click it and Unblock the Notifications
Sign in with Google