മലപ്പുറത്ത് 520 പേര്ക്ക് കൊറോണ രോഗം ഭേദമായി; മരണം 542 ആയി, ചികിത്സയില് 4,063 പേര്
മലപ്പുറം: ജില്ലയില് ഇന്ന് 520 പേര് കോവിഡ് രോഗമുക്തരായതായി ജില്ലാ മെഡിക്കല് ഓഫീസര് ഡോ. കെ സക്കീന അറിയിച്ചു. ഇതോടെ ജില്ലയിലെ രോഗമുക്തരുടെ എണ്ണം 1,01,817 ആയി. അതേസമയം ആരോഗ്യമേഖലയില് ഒരാളുള്പ്പടെ 454 പേര്ക്കാണ് ഇന്ന് കോവിഡ് 19 സ്ഥിരീകരിച്ചത്. ഇതില് 437 പേര്ക്ക് നേരിട്ടുള്ള സമ്പര്ക്കത്തിലൂടെയും 11 പേര്ക്ക് ഉറവിടമറിയാതെയുമാണ് രോഗബാധയുണ്ടായത്. കൂടാതെ വിദേശരാജ്യത്ത് നിന്നെത്തിയ ഒരാള്ക്കും ഇതരസംസ്ഥാനത്ത് നിന്നെത്തിയ നാല് പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
ജില്ലയില് നിലവില് 21,070 പേരാണ് നിരീക്ഷണത്തില് കഴിയുന്നത്. 4,063 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 264 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 91 പേരും 81 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 542 പേരാണ് കോവിഡ് ബാധിതരായി ജില്ലയില് മരിച്ചത്.
കേരളത്തില് ഇന്ന് 5716 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 755, കോട്ടയം 621, കൊല്ലം 587, തൃശൂര് 565, പത്തനംതിട്ട 524, കോഴിക്കോട് 501, തിരുവനന്തപുരം 383, കണ്ണൂര് 340, ആലപ്പുഴ 313, പാലക്കാട് 251, വയനാട് 218, ഇടുക്കി 121, കാസര്ഗോഡ് 83 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 96 പേര് സംസ്ഥാനത്തിന് പുറത്ത് നിന്നും വന്നവരാണ്. 5161 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 403 പേരുടെ സമ്പര്ക്ക ഉറവിടം വ്യക്തമല്ല. 56 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 5747 പേരുടെ പരിശോധനാഫലം നെഗറ്റീവ് ആയി. 1149 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇന്ന് 65 പുതിയ ഹോട്ട് സ്പോട്ടുകളാണുള്ളത്. 85 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. നിലവില് ആകെ 356 ഹോട്ട് സ്പോട്ടുകളാണുള്ളത്.
Click it and Unblock the Notifications
Sign in with Google