മലപ്പുറത്ത് കൊറോണ ചികില്സയില് 4838 പേര്; ഇന്ന് 522 പേര്ക്ക് രോഗം ഭേദമായി
മലപ്പുറം: ജില്ലയില് ഇന്ന് 522 പേര് കോവിഡ് രോഗ വിമുക്തരായതായി ജില്ലാ മെഡിക്കല് ഓഫീസര് അറിയിച്ചു. ഇതോടെ ജില്ലയില് രോഗ മുക്തരായവരുടെ എണ്ണം 87,679 ആയി. ആരോഗ്യ മേഖലയില് പ്രവര്ത്തിക്കുന്ന ഒരാളുള്പ്പടെ 406 പേര്ക്കാണ് ഇന്ന് ജില്ലയില് കോവിഡ് 19 സ്ഥിരീകരിച്ചത്. രോഗബാധിതരായവരില് 378 പേര്ക്ക് നേരിട്ടുള്ള സമ്പര്ക്കത്തിലൂടെയും 18 പേര്ക്ക് ഉറവിടമറിയാതെയുമാണ് വൈറസ്ബാധ. കൂടാതെ അഞ്ച് പേര് വിദേശ രാജ്യങ്ങളില് നിന്നും നാല് പേര് ഇതര സംസ്ഥാനങ്ങളില് നിന്നും എത്തിയവരുമാണ്.
ജില്ലയില് 61,339 പേരാണ് ഇപ്പോള് നിരീക്ഷണത്തില് കഴിയുന്നത്. 4,838 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 472 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 123 പേരും 145 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി ജില്ലയില് 487 പേരാണ് കോവിഡ് ബാധിതരായി മരണപ്പെട്ടിട്ടുള്ളത്.
കോളജുകളുള്പ്പടെ വിദ്യാഭ്യാസ സ്ഥാപനങ്ങള് ഭാഗികമായി തുറന്ന് പ്രവര്ത്തിക്കുന്ന സാഹചര്യത്തില് സാമൂഹിക അകലമുള്പ്പടെ ആരോഗ്യ വകുപ്പിന്റെ നിര്ദേശങ്ങള് കൃത്യമായി പാലിക്കണം. നിര്ബന്ധമായും മാസ്ക് ധരിക്കുകയും മറ്റ് ജാഗ്രതാ നിര്ദേശങ്ങള് പാലിക്കുകയും വേണം. ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് നേരിട്ട് ആശുപത്രികളില് പോകാതെ അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കേണ്ടതാണ്.
Click it and Unblock the Notifications
Sign in with Google