മലപ്പുറത്ത് 15,345 പേര്ക്ക് രോഗബാധയില്ലെന്ന് സ്ഥിരീകരിച്ചു; ചികിത്സയിലുള്ളത് 522 പേര്
മലപ്പുറം: ജില്ലയില് നിന്ന് ഇതുവരെ 18,933 പേരുടെ സാമ്പിളുകള് പരിശോധനക്കയച്ചതില് 16,593 പേരുടെ ഫലം ലഭിച്ചു. 15,345 പേര്ക്ക് സ്രവ പരിശോധനയിലൂടെ ഇതുവരെ വൈറസ് ബാധയില്ലെന്ന് സ്ഥിരീകരിച്ചിട്ടുണ്ട്. 2,340 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. ജില്ലയില് രോഗബാധിതരായി 522 പേര് ഇപ്പോള് ചികിത്സയില് കഴിയുന്നു. ഇതുവരെ 1,770 പേര്ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്ന് 1,493 പേര്ക്ക് കൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
36,445 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. രോഗബാധ സ്ഥിരീകരിച്ചവരടക്കം 649 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 380 പേരും തിരൂര് ജില്ലാ ആശുപത്രിയില് മൂന്ന് പേരും കാളികാവ് പ്രത്യേക ചികിത്സാ കേന്ദ്രത്തില് 21 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില് 54 പേരും കരിപ്പൂര് ഹജ്ജ് ഹൗസില് 75 പേരും കാലിക്കറ്റ് സര്വ്വകലാശാലയിലെ പ്രത്യേക ചികിത്സാ കേന്ദ്രത്തില് 116 പേരുമാണ് ചികിത്സയില് കഴിയുന്നത്. 34,397 പേര് വീടുകളിലും 1,399 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
ജില്ലയില് കോവിഡ് വ്യാപിക്കുന്ന സാഹചര്യത്തില് കൂടുതല് നിയന്ത്രണങ്ങള് ഏര്പ്പെടുത്തുമെന്ന് ജില്ലാ കലക്ടര് കെ.ഗോപാലകൃഷ്ണന് അറിയിച്ചു. കോവിഡ് ജില്ലാതല സമിതിയുടെയും ദുരന്തനിവാരണ അതോറിറ്റിയുടെയും യോഗത്തിലെ തീരുമാന പ്രകാരം ഇന്ന് മുതല് കണ്ടെയിന്മെന്റ് സോണ് ഒഴികെയുള്ള എല്ലാ പ്രദേശങ്ങളിലും കടകള് രാവിലെ ഏഴ് മുതല് വൈകീട്ട് ആറു വരെ മാത്രമേ പ്രവര്ത്തിക്കാന് പാടുള്ളൂ. ഹോട്ടലുകള്, തട്ടുകടകള് എന്നിവയില് രാത്രി എട്ടു വരെ ഭക്ഷണം പാഴ്സല് നല്കാം. ഇരുന്ന് കഴിക്കാന് പാടില്ല.
ജില്ലയില് 86 പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. 67 പേര്ക്ക് സമ്പര്ക്കത്തിലൂടെയാണ് രോഗബാധ. ഇവരില് 34 പേര്ക്ക് രോഗബാധയുണ്ടായതിന്റെ ഉറവിടം കണ്ടെത്തിയിട്ടില്ല. രോഗം സ്ഥിരീകരിച്ചവരില് അഞ്ച് പേര് ഇതര സംസ്ഥാനങ്ങളില് നിന്നെത്തിയതും ശേഷിക്കുന്ന 14 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. ഇന്ന് 88 പേര് ജില്ലയില് രോഗമുക്തരായി.
സൗദി കിരീടവകാശിക്ക് ഇറാനില് നിന്ന് കത്ത്; അത്യപൂര്വം!! അഹ്മദി നജാദ് വക... വാനോളം പുകഴ്ത്തല്