മലപ്പുറത്ത് 538 പേര്ക്ക് കൊറോണ രോഗമുക്തി; ഇനി ചികില്സയില് 3,728 പേര്
മലപ്പുറം: ജില്ലയില് ഇന്ന് 538 പേര് കോവിഡ് രോഗമുക്തരായതായി ജില്ലാ മെഡിക്കല് ഓഫീസര് ഡോ. കെ സക്കീന അറിയിച്ചു. ഇതോടെ ജില്ലയില് ആകെ രോഗമുക്തരായവരുടെ എണ്ണം 1,03,626 ആയി. അതേസമയം 605 പേര്ക്കാണ് ജില്ലയില് ഇന്ന് കോവിഡ് 19 സ്ഥിരീകരിച്ചത്. ഇതില് 577 പേര്ക്ക് നേരിട്ടുള്ള സമ്പര്ക്കത്തിലൂടെയും 12 പേര്ക്ക് ഉറവിടമറിയാതെയുമാണ് രോഗബാധയുണ്ടായത്. കൂടാതെ വിദേശരാജ്യത്ത് നിന്നെത്തിയ അഞ്ച് പേര്ക്കും ഇതരസംസ്ഥാനത്ത് നിന്നെത്തിയ 10 പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
ജില്ലയില് നിലവില് 20,964 പേരാണ് നിരീക്ഷണത്തില് കഴിയുന്നത്. 3,728 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 274 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 105 പേരും 84 പേര് കോവിഡ് സെക്കന്റ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 543 പേരാണ് കോവിഡ് ബാധിതരായി ജില്ലയില് മരിച്ചത്.
കേരളത്തില് ഇന്ന് 5610 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 714, കോഴിക്കോട് 706, പത്തനംതിട്ട 521, തൃശൂര് 495, കോട്ടയം 458, തിരുവനന്തപുരം 444, കൊല്ലം 391, ആലപ്പുഴ 310, കണ്ണൂര് 253, ഇടുക്കി 232, പാലക്കാട് 219, വയനാട് 163, കാസര്ഗോഡ് 99 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 101 പേര് സംസ്ഥാനത്തിന് പുറത്ത് നിന്നും വന്നവരാണ്. 28 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. 1540 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google