മലപ്പുറത്ത് 589 പേര്ക്ക് കൊറോണ രോഗം ഭേദമായി; ജില്ലയില് ഇതുവരെ മരിച്ചത് 550 പേര്
മലപ്പുറം: ജില്ലയില് വ്യാഴാഴ്ച 589 പേര് വിദഗ്ധ ചികിത്സയ്ക്ക് ശേഷം കോവിഡ് വിമുക്തരായതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇവരുള്പ്പെടെ 1,07,122 പേരാണ് ഇതുവരെ ജില്ലയില് രോഗമുക്തി നേടിയത്. വ്യാഴാഴ്ച 413 പേര്ക്കുകൂടി കോവിഡ് 19 സ്ഥിരീകരിച്ചു. നേരിട്ടുള്ള സമ്പര്ക്കത്തിലൂടെ 384 പേര്ക്കാണ് വൈറസ്ബാധയുണ്ടായത്. ഉറവിടമറിയാതെ ഒമ്പത് പേരും രണ്ട് ആരോഗ്യ പ്രവര്ത്തകരും രോഗബാധിതരായവരില് ഉള്പ്പെടുന്നു. രോഗം സ്ഥിരീകരിച്ചവരില് നാല് പേര് വിദേശ രാജ്യങ്ങളില് നിന്നും 14 പേര് ഇതര സംസ്ഥാനങ്ങളില് നിന്നും ജില്ലയില് തിരിച്ചെത്തിയവരാണ്.
ജില്ലയിലിപ്പോള് 23,979 പേരാണ് നിരീക്ഷണത്തില് കഴിയുന്നത്. 3,335 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 255 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 124 പേരും 85 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 550 പേരാണ് കോവിഡ് ബാധിതരായി ജില്ലയില് മരിച്ചത്.
കേരളത്തില് ഇന്ന് 5281 പേര്ക്കാണ് കോവിഡ്-19 സ്ഥിരീകരിച്ചത്. പത്തനംതിട്ട 694, എറണാകുളം 632, കോഴിക്കോട് 614, കൊല്ലം 579, കോട്ടയം 383, തൃശൂര് 375, ആലപ്പുഴ 342, തിരുവനന്തപുരം 293, കണ്ണൂര് 251, പാലക്കാട് 227, ഇടുക്കി 196, വയനാട് 180, കാസര്ഗോഡ് 102 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 5692 പേരുടെ പരിശോധനാഫലം നെഗറ്റീവ് ആയി. 63,915 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 9,20,539 പേര് ഇതുവരെ കോവിഡില് നിന്നും മുക്തി നേടി. ഇന്ന് 3 പുതിയ ഹോട്ട് സ്പോട്ടുകളാണുള്ളത്. 7 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. നിലവില് ആകെ 455 ഹോട്ട് സ്പോട്ടുകളാണുള്ളത്.
Click it and Unblock the Notifications
Sign in with Google