മലപ്പുറത്ത് 600ലധികം പേര്ക്ക് കൊറോണ രോഗം ഭേദമായി; ജില്ലയിലെ മരണം 482 ആയി
മലപ്പുറം: ജില്ലയില് ബുധനാഴ്ച 609 പേര് കോവിഡ് രോഗ വിമുക്തരായതായി ജില്ലാ മെഡിക്കല് ഓഫീസര് അറിയിച്ചു. ഇതോടെ ജില്ലയില് രോഗമുക്തരായവരുടെ എണ്ണം 84,994 ആയി. അതേസമയം 407 പേര്ക്കാണ് ഇന്ന് ജില്ലയില് രോഗബാധ സ്ഥിരീകരിച്ചത്. ഇതില് 394 പേര്ക്കും നേരത്തെ രോഗം സ്ഥിരീകരിച്ചവരുമായുള്ള സമ്പര്ക്കത്തിലൂടെയാണ് വൈറസ് ബാധ. ഉറവിടമറിയാതെ 10 പേര്ക്കും ഇന്ന് രോഗം ബാധിച്ചിട്ടുണ്ട്. രോഗബാധിതരായവരില് മൂന്ന് പേര് ഇതര സംസ്ഥാനത്ത് നിന്നെത്തിയവരാണ്.
ജില്ലയില് 67,783 പേരാണ് നിരീക്ഷണത്തില് കഴിയുന്നത്. 5,128 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 420 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 207 പേരും 173 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 482 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
അതേസമയം, കേരളത്തില് ഇന്ന് 6000 ലധികമാണ് കൊറോണ രോഗികള്. എറണാകുളം ജില്ലയിലാണ് കൂടുതല് രോഗം റിപ്പോര്ട്ട് ചെയ്തത്. ഇന്ന് 4 പുതിയ ഹോട്ട് സ്പോട്ടുകളാണുള്ളത്. തൃശൂര് ജില്ലയിലെ പുതൂര് (കണ്ടെന്മെന്റ് സോണ് വാര്ഡ് 19), പത്തനംതിട്ട ജില്ലയിലെ ചിറ്റാര് (സബ് വാര്ഡ് 1), കോഴഞ്ചേരി (സബ് വാര്ഡ് 1), സീതത്തോട് (13) എന്നിവയാണ് പുതിയ ഹോട്ട് സ്പോട്ടുകള്.
സംസ്ഥാനത്ത് ഇന്ന് 28 പേര് മരിച്ചു. ഇതോടെ ആകെ മരണം 3042 ആയി. ഇന്ന് രോഗം സ്ഥിരീകരിച്ചവരില് 102 പേര് സംസ്ഥാനത്തിന് പുറത്ത് നിന്നും വന്നവരാണ്. സംസ്ഥാനത്തെ വിവിധ ജില്ലകളിലായി 2,47,725 പേരാണ് ഇപ്പോള് നിരീക്ഷണത്തിലുള്ളത്. 1426 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google