സംസ്ഥാനത്ത് ഇന്നും കൂടുതല് കൊറോണ രോഗികള് മലപ്പുറത്ത്; ജില്ലയില് രോഗമുക്തര് 649
മലപ്പുറം: ജില്ലയില് ഇന്ന് രണ്ട് ആരോഗ്യ പ്രവര്ത്തകരുള്പ്പടെ 560 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് 543 പേര്ക്ക് നേരിട്ടുള്ള സമ്പര്ക്കത്തിലൂടെയും ഏഴ് പേര്ക്ക് ഉറവിടമറിയാതെയുമാണ് രോഗബാധ. രോഗബാധിതരില് ഏഴ് പേര് വിദേശ രാജ്യത്ത് നിന്നും ഒരാള് ഇതര സംസ്ഥാനത്ത് നിന്നും ജില്ലയിലെത്തിയവരാണ്. ഇന്ന് രോഗമുക്തരായ 649 പേരുള്പ്പടെ ജില്ലയില് 1,09,023 പേരാണ് സാധാരണ ജീവിതത്തിലേക്ക് മടങ്ങിയത്. സംസ്ഥാനത്ത് ഇന്ന് കൂടുതല് രോഗികളുള്ളത് മലപ്പുറം ജില്ലയിലാണ്.
ജില്ലയില് നിലവില് 24,750 പേരാണ് നിരീക്ഷണത്തില് കഴിയുന്നത്. 3,458 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 223 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 123 പേരും 77 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെ 553 പേരാണ് കോവിഡ് ബാധിതരായി ജില്ലയില് മരിച്ചത്.
കേരളത്തില് ഇന്ന് 2884 പേര്ക്കാണ് കോവിഡ്-19 സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 39,463 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 7.31 ആണ്. 13 പേര് മരിച്ചു. ഇതോടെ ആകെ മരണം 3998 ആയി. ഇന്ന് രോഗം സ്ഥിരീകരിച്ചവരില് 44 പേര് സംസ്ഥാനത്തിന് പുറത്ത് നിന്നും വന്നവരാണ്. 2651 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 165 പേരുടെ സമ്പര്ക്ക ഉറവിടം വ്യക്തമല്ല. 24 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 5073 പേരുടെ പരിശോധനാഫലം നെഗറ്റീവ് ആയി. 962 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google