മലപ്പുറം ജില്ലയില് കൊറോണ ചികില്സയില് 657 പേര്; 38,080 പേര്ക്ക് രോഗമില്ലെന്ന് സ്ഥിരീകരിച്ചു
മലപ്പുറം: ജില്ലയില് രോഗബാധിതരായി 657 പേര് ഇപ്പോള് ചികിത്സയില് കഴിയുന്നു. ഇതുവരെ 1,994 പേര്ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 801 പേര്ക്ക് കൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
33,769 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. രോഗബാധ സ്ഥിരീകരിച്ചവരടക്കം 820 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 583 പേരും തിരൂരങ്ങാടി താലൂക്ക് ആശുപത്രിയില് 14 പേരും തിരൂര് ജില്ലാ ആശുപത്രിയില് മൂന്ന് പേരും നിലമ്പൂര് ജില്ലാ ആശുപത്രിയില് മൂന്ന് പേരും കാളികാവ് പ്രത്യേക ചികിത്സാ കേന്ദ്രത്തില് 26 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില് 51 പേരും കരിപ്പൂര് ഹജ്ജ് ഹൗസില് 27 പേരും കാലിക്കറ്റ് സര്വ്വകലാശാലയിലെ പ്രത്യേക ചികിത്സാ കേന്ദ്രത്തില് 113 പേരുമാണ് ചികിത്സയില് കഴിയുന്നത്. 31,597 പേര് വീടുകളിലും 1,352 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
ജില്ലയില് നിന്ന് ഇതുവരെ 41,960 സാമ്പിളുകള് പരിശോധനക്കയച്ചതില് 39,987 പേരുടെ ഫലം ലഭിച്ചു. ഇതില് 24,641 പേര്ക്ക് ആര്ടിപിസിആര് പരിശോധനയും 17,319 പേര്ക്ക് ആന്റിജന് പരിശോധനയുമാണ് നടത്തിയത്. ഇതുവരെ നടത്തിയ പരിശോധനകളില് 38,080 പേര്ക്കാണ് വൈറസ് ബാധയില്ലെന്ന് സ്ഥിരീകരിച്ചത്. 1,837 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്. രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണം.
ജില്ലയില് 32 പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇവരില് 30 പേര്ക്കും സമ്പര്ക്കത്തിലൂടെയാണ് രോഗബാധ. ഒമ്പത് പേര്ക്ക് രോഗബാധയുണ്ടായതിന്റെ ഉറവിടം കണ്ടെത്തിയിട്ടില്ല. രോഗം സ്ഥിരീകരിച്ചവരില് രണ്ട് പേര് വിവിധ വിദേശ രാജ്യങ്ങളില് നിന്നെത്തിയവരാണ്. 12 പേര് ജില്ലയില് രോഗമുക്തരായി. വിദഗ്ധ ചികിത്സക്കു ശേഷം ഇതുവരെ 1324 പേരാണ് രോഗമുക്തരായി വീടുകളിലേക്ക് മടങ്ങിയത്.
കോണ്ഗ്രസ് നേതാവ് ഒരു വര്ഷമായി തടവില്; മതിലിന് മുകളിലൂടെ സംസാരിക്കാന് ശ്രമം, പക്ഷേ...