സംസ്ഥാനത്ത് ഇന്ന് കൂടുതല് കൊറോണ രോഗം റിപ്പോര്ട്ട് ചെയ്തത് മലപ്പുറത്ത്; ചികിത്സയില് 7,973 പേര്
മലപ്പുറം: ജില്ലയില് ഇന്ന് 719 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. സംസ്ഥാനത്ത് ഇന്ന് ഏറ്റവും കൂടുതല് രോഗം റിപ്പോര്ട്ട് ചെയ്തത് മലപ്പുറം ജില്ലയിലാണ്. ഇന്ന് രോഗബാധിതരായവരില് 689 പേര്ക്കും നേരിട്ടുള്ള സമ്പര്ക്കത്തിലൂടെയാണ് വൈറസ്ബാധയുണ്ടായത്. ഉറവിടമറിയാതെ 19 പേര്ക്കും ആരോഗ്യ മേഖലയില് പ്രവര്ത്തിക്കുന്ന മൂന്ന് പേര്ക്കും ഇന്ന് വൈറസ്ബാധ സ്ഥിരീകരിച്ചിട്ടുണ്ട്. രോഗബാധിതരില് രണ്ട് പേര് വിദേശത്ത് നിന്ന് എത്തിയവരും ആറ് പേര് ഇതര സംസ്ഥാനത്ത് നിന്നെത്തിയവരുമാണ്. അതേസമയം 789 പേരാണ് ഇന്ന് ജില്ലയില് വിദഗ്ധ ചികിത്സയ്ക്ക് ശേഷം രോഗമുക്തരായത്. ഇവരുള്പ്പെടെ 61,169 പേരാണ് ഇതുവരെ ജില്ലയില് രോഗമുക്തി നേടിയത്.
86,131 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 7,973 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 575 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 382 പേരും 371 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. മറ്റുള്ളവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തില് കഴിയുന്നു. ഇതുവരെ 328 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
വടകരയില് പ്രചാരണം നടത്തില്ലെന്ന് കെ മുരളീധരന്; നടത്തുമെന്ന് മുല്ലപ്പള്ളി, അച്ചടക്കം വേണം
കോവിഡ് 19 വ്യാപനത്തിനുള്ള സാധ്യത ശക്തമായി നിലനില്ക്കുന്ന സാഹചര്യത്തില് ആരോഗ്യ ജാഗ്രത ഉറപ്പാക്കുന്നതില് യാതൊരുവിധത്തിലുമുള്ള അലംഭാവവും പാടില്ലെന്ന് ജില്ലാ മെഡിക്കല് ഓഫീസര് അറിയിച്ചു. തെരഞ്ഞെടുപ്പ് പ്രവര്ത്തനങ്ങളില് രാഷ്ട്രീയ പാര്ട്ടി പ്രതിനിധികളും സ്ഥാനാര്ഥികളും പൊതുജനങ്ങളും ആരോഗ്യ വകുപ്പിന്റെ നിര്ദ്ദേശങ്ങള് പാലിച്ച് ആവശ്യമായ ജാഗ്രത പുലര്ത്തുകയും സാമൂഹ്യ അകലം ഉറപ്പാക്കുകയും വേണം. തെരഞ്ഞെടുപ്പ് പ്രവര്ത്തനങ്ങള്ക്കും അല്ലാതെയും വീടുകളില് നിന്ന് പുറത്തിറങ്ങുന്നവരും സാമൂഹ്യ സമ്പര്ക്കത്തിലേര്പ്പെടുന്നവരും ആരോഗ്യ ജാഗ്രത നിര്ദേശങ്ങള് പാലിക്കുകയും മുന്കരുതലുകള് സ്വീകരിക്കുകയും വേണം.