Click it and Unblock the Notifications
Just In
Don't Miss
-
നിവിന് പോളി വന്നത് പിന്നീട്; ഹേയ് ജൂഡിലേക്ക് ആദ്യം കാസ്റ്റ് ചെയ്തിരുന്നത് ആ നടനെ; അനില് അമ്പലക്കര -
മൈലേജ് കുറച്ച് കുറഞ്ഞാലും യാത്ര സുഖം ഗ്യാരണ്ടി! ഇന്നോവ ഹൈക്രോസിന് പുത്തന് പെട്രോള് വേരിയന്റ് -
നെഗറ്റീവ് എനര്ജി ഇല്ലാതാക്കും, സംരക്ഷണം നല്കും ഈ അമൂല്യ കല്ലുകള് -
പറന്നുയർന്ന് സ്വർണം, പവന്റെ വില ഉടൻ 60,000 കടക്കും, ഹൃദയം തകർന്ന് ആഭരണ പ്രേമികൾ -
IPL 2024: 6 തോല്വികള്, ആര്സിബിയുടെ പ്ലേ ഓഫ് സാധ്യത അവസാനിച്ചോ? പരിശോധിക്കാം -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട്
മലപ്പുറത്ത് ഒമ്പത് സ്‌കൂള്‍ കെട്ടിടങ്ങള്‍ ഒരുങ്ങി; മുഖ്യമന്ത്രി നാടിന് സമര്‍പ്പിക്കും
മലപ്പുറം: സര്‍ക്കാറിന്റെ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രം പദ്ധതിയില്‍ ഉള്‍പ്പെടുത്തി ആധുനിക സൗകര്യങ്ങളോടെ ജില്ലയില്‍ നിര്‍മിച്ച ഒന്‍പത് വിദ്യാലയങ്ങളുടെ കെട്ടിടങ്ങള്‍ ഒക്ടോബര്‍ മൂന്നിന് രാവിലെ 10ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ആറ് സ്‌കൂളുകള്‍ക്ക് കിഫ്ബിയില്‍ നിന്ന് മൂന്നു കോടി വീതവും മൂന്നു സ്‌കൂളുകള്‍ക്ക് പ്ലാന്‍ ഫണ്ട് ഉപയോഗിച്ചും നിര്‍മിച്ച കെട്ടിടങ്ങളാണ് മുഖ്യമന്ത്രി നാടിന് സമര്‍പ്പിക്കുന്നത്. വീഡിയോ കോണ്‍ഫറന്‍സിലൂടെയാണ് ഉദ്ഘാടനം. ചടങ്ങില്‍ പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അധ്യക്ഷനാകും. ധന മന്ത്രി ഡോ.തോമസ് ഐസക്ക് മുഖ്യപ്രഭാഷണം നടത്തും.
മഞ്ചേരി ജി.ബി.എച്ച്.എസ്.എസ്, മലപ്പുറം എം.എസ്.പി.എച്ച്.എസ്.എസ്, കാലിക്കറ്റ് യൂണിവേഴ്‌സിറ്റി ജി.എം.എച്ച്.എസ്.എസ്, പൂക്കോട്ടൂര്‍ ജി.എച്ച്.എസ്.എസ്, എടപ്പാള്‍ ജി.എച്ച്.എസ്.എസ്, തൃക്കാവ് ജി.എച്ച്.എസ്.എസ്, വേട്ടേക്കോട് ജി.യു.പി.എസ്, ഇരുമ്പുഴി ജി.എല്‍.പി.എസ്, നിലമ്പൂര്‍ മാനവേദന്‍ സ്‌കൂള്‍ എന്നിവിടങ്ങളില്‍ നിര്‍മാണം പൂര്‍ത്തിയാക്കിയ കെട്ടിടങ്ങളാണ് ഉദ്ഘാടനത്തിനൊരുങ്ങുന്നത്.
അത്യാധുനിക സൗകര്യങ്ങളോടെ നിര്‍മിക്കുന്ന ബഹുനില കെട്ടിടങ്ങളില്‍ വിശാലമായ ക്ലാസ്റൂമുകള്‍, ലാബുകള്‍, ഡൈയിനിങ് ഹാളുകള്‍, അടുക്കള, ലൈബ്രറി, സ്പോര്‍ട്സ് റൂം, സ്റ്റാഫ് റൂം, കൗണ്‍സിലിങ് റൂം, ലാംഗേജ് റൂം, റെക്കോര്‍ഡ് റൂം, ടോയ്ലറ്റ് സൗകര്യങ്ങളുമാണ് ഒരുക്കിയിരിക്കുന്നത്.
ചടങ്ങില്‍ പൂക്കോട്ടുംപാടം ജി.എച്ച്.എസ്.എസ്, കാട്ടിലങ്ങാടി ജി.എച്ച്.എസ്.എസ്, കാവനൂര്‍ ജി.എച്ച്.എസ്.എസ്, നെല്ലിക്കുത്ത് ജി.വി.എച്ച്.എസ്.എസ്, വേങ്ങര ജി.എം.എച്ച്.എസ്.എസ്, മുണ്ടമ്പ്ര ജി.യു.പി.എസ്, കൊമ്പുകല്ല് ജി.എല്‍.പി.എസ് എന്നീ സ്‌കൂളുകളിലെ പുതിയ കെട്ടിടങ്ങളുടെ നിര്‍മാണ പ്രവൃത്തി ഉദ്ഘാടനവും മുഖ്യമന്ത്രി നിര്‍വഹിക്കും.
