മലപ്പുറത്ത് ഇന്ന് ആയിരത്തോളം പേര്ക്ക് കൊറോണ രോഗം ഭേദമായി; ആശ്വാസ ദിനം
മലപ്പുറം: ജില്ലയില് 943 പേര് വിദഗ്ധ ചികിത്സക്ക് ശേഷം ഇന്ന് രോഗമുക്തരായതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതോടെ 76,920 പേരാണ് ജില്ലയില് ഇതുവരെ രോഗമുക്തരായത്. സര്ക്കാര് നിര്ദ്ദേശപ്രകാരം ജില്ലാ ഭരണകൂടത്തിന്റെ നേതൃത്വത്തില് ആരോഗ്യ വകുപ്പ് ഇതര വകുപ്പുകളുമായും പൊതുജനങ്ങളുമായും ചേര്ന്ന് നടത്തുന്ന പ്രതിരോധ പ്രവര്ത്തനങ്ങളുടെ വിജയമാണിതെന്ന് ജില്ലാ മെഡിക്കല് ഓഫീസര് പറഞ്ഞു.
ഇന്ന് 437 പേര്ക്ക് കൂടി ജില്ലയില് കോവിഡ് 19 സ്ഥിരീകരിച്ചു. ഇവരില് 407 പേര്ക്ക് നേരിട്ടുള്ള സമ്പര്ക്കത്തിലൂടെയാണ് വൈറസ് ബാധയുണ്ടായത്. രണ്ട് ആരോഗ്യ പ്രവര്ത്തകരും ഉറവിടമറിയാതെ 26 പേരും രോഗബാധിതരായി. ഇതര സംസ്ഥാനത്ത് നിന്നെത്തിയ രണ്ട് പേരും വൈറസ് ബാധ സ്ഥിരീകരിച്ചവരില് ഉള്പ്പെടുന്നു.
കോട്ടയത്ത് കിങ് മേക്കറായി ബിജെപി; ഭരണം ത്രിശങ്കുവില്, ജോസിന്റെ തേരില് കുതിച്ചെങ്കിലും...
ജില്ലയിലിപ്പോള് 81,611 പേരാണ് നിരീക്ഷണത്തില് കഴിയുന്നത്. 5,664 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 543 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 225 പേരും 221 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ബാക്കിയുള്ളവര് വീടുകളിലും മറ്റ് കോവിഡ് കെയര് സെന്ററുകളിലുമായി നിരീക്ഷണത്തില് കഴിയുന്നു. ഇതുവരെ 420 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
യുഡിഎഫ് തന്ത്രങ്ങളെ സിപിഎം പൊളിച്ചത് ഇങ്ങനെ... പ്രതിപക്ഷത്തിന്റെ പല നീക്കങ്ങളും തിരിച്ചടിച്ചു
Recommended Video
ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെടണമെന്നും ജില്ലാ മെഡിക്കല് ഓഫീസര് അറിയിച്ചു.