സംഭവം എവിടെയായാലും മലപ്പുറം ഹാഷ്ടാഗ് തിരുത്തില്ലെന്ന് സന്ദീപ്വാര്യര്; താനൊരു മണ്ടനെന്ന് അജു
കൊച്ചി: സ്ഫോടക വസ്തു നിറച്ച പൈനാപ്പിള് പൊട്ടിതെറിച്ച് ആന ചെരിഞ്ഞ സംഭവത്തില് രാജ്യവ്യാപകമായി പ്രതിഷേധം ശക്തമാവുകയാണ്. എന്നാല് പാലക്കാട് നടന്ന സംഭവം മുസ്ലീം ഭൂരിപക്ഷ പ്രദേശമായ മലപ്പുറത്തിന് നേരെയുള്ള വിദ്വേഷ പ്രചരണമാക്കി മാറ്റാനുള്ള വലിയ ശ്രമം നടക്കുകയാണ്. വലതുപക്ഷ സംഘപരിവാര് സംഘടകളാണ് പിന്നിലെന്ന് വലിയ ആരോപണവും നിലനില്ക്കുന്നുണ്ട്. ഇത്തരത്തില് ആന ചരിഞ്ഞത് പാലക്കാട് ആണെങ്കിലും മലപ്പുറം എന്ന് ഹാഷ് ടാഗ് തിരുത്തില്ലെന്ന് നിലപാടിലാണ് ബിജെപി വക്താവ് സന്ദീപ് ജി വാര്യരും.ഇതിനെതിരെ രംഗത്തെത്തിയിരിക്കുകയാണ് അജു വര്ഗീസ്.
അവള് അമ്മയായിരുന്നു
'അവള് അമ്മയായിരുന്നു. പൈനാപ്പിളിനുള്ളില് പടക്കം വെച്ച് മനുഷ്യര് തന്നെ പറ്റിക്കും എന്നവള് പ്രതീക്ഷിച്ചില്ല. വേദനകൊണ്ടു പുളഞ്ഞപ്പോഴും ഒരു മനുഷ്യനെ പോലും അവള് ഉപദ്രവിച്ചില്ലത്രേ. ഒരു വീടുപോലും തകര്ത്തില്ല . തന്റെ വയറിനുള്ളില് വളരുന്ന ജീവന് എങ്ങനെയെങ്കിലും രക്ഷപ്പെടട്ടെ എന്നചിന്തയിലായിരിക്കണം ആ ജലാശയത്തിന് നടുവിലേക്ക് ഇറങ്ങിപ്പോയത്.
മലപ്പുറം ഹാഷ് ടാഗ്
ഒടുവില് അവള് ആ ജലാശയത്തില് നിന്നു കൊണ്ട് ജീവന് വെടിഞ്ഞു. ജലസമാധി' എന്നായിരുന്നു സന്ദീപ് വാര്യരുടെ പോസ്റ്റ്. ഹാഷ് കേരള, ഹാഷ് മലപ്പുറം, ഹാഷ് ലിറ്ററേറ്റ് മലയാളി എന്നീ ഹാഷ്ടാഗുകളോടെയാണ് സന്ദീപ് വാര്യര് ഫേസ്ബുക്കില് പോസ്റ്റിട്ടിരിക്കുന്നത്. പാലക്കാട് നടന്ന സംഭവത്തിന് മലപ്പുറം എന്ന് ഹാഷ് ടാഗ് ഉപയോഗിച്ചതിന് പിന്നിലെന്ന് മാധ്യമ പ്രവര്ത്തകന്റെ ചോദ്യത്തിനായിരുന്നു അത് തിരുത്താന് തയ്യാറല്ലായെന്ന് അദ്ദേഹം പറഞ്ഞത്.
എവിടെ നടന്നാലെന്താ?
പാലക്കാട്-മലപ്പുറം ബോര്ഡറിലാണ് സംഭവം നടന്നതെന്നും എന്ഡിടിവി അങ്ങനെയാണ് റിപ്പോര്ട്ട് ചെ്യ്തതെന്നും സന്ദീപ് വാര്യര് പറഞ്ഞു. എന്നാല് പാലക്കാട് ജില്ലയിലെ തിരുവിഴാംകൂര് പഞ്ചായത്തിലാണ് സംഭവം നടന്നതെന്ന് അവതാരകന് പറഞ്ഞു. പിന്നാലെ സംഭവം എവിടെ നടന്നാലെന്താ? ഒരു ജീവന് നഷ്ടപ്പെട്ടില്ലെയെന്നായിരുന്നു സന്ദീപ് വാര്യറുടെ മറുപടി.
ട്രെന്റിംഗ് ഹാഷ് ടാഗ്
എങ്കില് സന്ദീപ് വാര്യരുടെ ഫേസ്ബുക്ക് കുറിപ്പില് എന്തിനാണ് മലപ്പുറം എന്ന് ഹാഷ് ടാഗ് കൊടുത്തിരിക്കുന്നത് എന്ന് ചോദിച്ചപ്പോള് ആ വാര്ത്തയുമായി ബന്ധപ്പെട്ട് അതായിരുന്നു ട്രെന്റിംഗ് ഹാഷ് ടാഗെന്നും വാര്ത്ത ആദ്യം റിപ്പോര്ട്ട് ചെയ്ത മാധ്യമങ്ങള് മലപ്പുറത്താണ് സംഭവം നടന്നതെന്ന് പറഞ്ഞിരുന്നുവെന്നും സന്ദീപ് വാര്യര് മറുപടി നല്കി.
തിരുത്തി കൂടെ
നിലവില് സത്യാവസ്ഥ ബോധ്യപ്പെട്ടല്ലോ എങ്കില് ഹാഷ് ടാഗ് തിരുത്തി കൂടെയെന്ന മാധ്യമ പ്രവര്ത്തകന്റെ ചോദ്യത്തിന് വാര്ത്ത റിപ്പോര്ട്ട് ചെയ്ത മാധ്യമങ്ങള് തിരുത്തട്ടെ. സംഭവം നടന്നത് മലപ്പുറം ആയാലും പാലക്കാട് ആയാലും ഹാഷ്ടാഗ് തിരുത്തില്ലായെന്നായിരുന്നു സന്ദീപ് വാര്യരുടെ മറുപടി. മലപ്പുറം ആര്ക്കും തീറെഴുതി കൊടുത്തിട്ടില്ലല്ലോ? മലപ്പുറം എന്ന് കേള്ക്കുമ്പോള് മാധ്യമ പ്രവര്ത്തകര്ക്ക് എന്താണ് ഇത്ര പ്രശ്നമെന്നും സന്ദീപ് വാര്യര് ചോദിക്കുന്നു.
റിപ്പോര്ട്ട് ചെയ്തത്
ശേഷം ആന കൊല്ലപ്പെട്ടത് മലപ്പുറത്ത് ആണെന്ന് ആദ്യം റിപ്പോര്ട്ട് ചെയ്ത മാധ്യമങ്ങള് എന്ന പേരില് ഒരു ലിങ്കും സന്ദീപ് വാര്യര് ഷെയര് ചെയ്തിരുന്നു.എന്ഡിടിവി,എക്കണോമിക്സ് ടൈംസ്,മനോരമ ന്യൂസ്,മലയാള മനോരമ,മാതൃഭൂമി,കൈരളി, ട്വന്റി ഫോര് ന്യൂസ്. എന്നിങ്ങനെയായിരുന്നു ലിസ്റ്റ്. മനേകാ ഗാന്ധിയുടെ അഭിപ്രായത്തോട് യോജിപ്പില്ല എന്ന് പ്രതികരണം തേടിയ മാധ്യമങ്ങളോട് നേരത്തെ തന്നെ വ്യക്തമാക്കിയതാണെന്നും ഫേസ്ബുക്കില് കുറിച്ചു. അതിലും മലപ്പുറം ഹാഷ് ടാഗോടെയായിരുന്നു പങ്കുവെച്ചത്.
Recommended Video
അജു വര്ഗീസ്
ഈ
ചാനല്ചര്ച്ചയുടെ
വീഡിയോ
പങ്കുവെച്ച്
കൊണ്ടായിരുന്നു
അജു
വര്ഗീസ്
സന്ദീപ്
വാര്യര്ക്കെതിരെ
രംഗത്തെത്തിയത്.
'ഫ്രഷ്...
ഫ്രഷ്.എനിക്ക്
4
കുട്ടികള്
ഒരു
ഭാര്യ...
രീതി
വെച്ച്
അറിയിച്ചു
എന്നേയുള്ളു..
അഭിപ്രായം
പറഞ്ഞാല്
കുടുംബം
ആണല്ലോ
ശീലം...പക്ഷെ
ഇവിടെ..
എന്റെ
നാട്ടില്...മരണം
വരെ
വര്ഗീയത
നടക്കില്ല...
എനിക്ക്
രാഷ്ടീയയം
ഇല്ലാ..ടാക്സ്
അടക്കുന്ന
ഒരു
മണ്ടന്
ആണ്
ഞാന്...മണ്ടന്
മാത്രം
മലപ്പുറം
എന്ത്
ചെയ്തു...
എനിക്കറിയണം'
എന്നായിരുന്നു
അജു
വര്ഗീസിന്റെ
പോസ്റ്റ്.