കെപിസിസി വിലക്കിനെ മറികടന്ന് ആര്യാടന് ഷൗക്കത്തിന്റെ നേതൃത്വത്തില് റാലി, വന് ജനപങ്കാളിത്തം
മലപ്പുറം: കെപിസിസിയുടെ താക്കീത് മറികടന്ന് മലപ്പുറത്ത് ആര്യാടന് ഫൗണ്ടേഷന്റെ നേതൃത്വത്തില് ഫലസ്തീന് ഐക്യദാര്ഢ്യ റാലി. വന് ജനപങ്കാളിത്തമാണ് റാലിയില് ഉണ്ടായിരുന്നത്. മുന് യൂത്ത് ലീഗ് വൈസ് പ്രസിഡന്റ് ആയിരുന്ന റിയാസ് മുക്കോളി അടക്കമുള്ള ജില്ലയിലെ മുതിര്ന്ന കോണ്ഗ്രസ് നേതാക്കള് റാലിയില് പങ്കെടുത്തു. കനത്ത മഴയെയും വിലക്കിനെയും മറികടന്നാണ് വന് തോതില് പ്രവര്ത്തകർ റാലിയിലേക്ക് എത്തിയത്.
മലപ്പുറത്തെ കോണ്ഗ്രസ് എ ഗ്രൂപ്പ് നേതാക്കളെല്ലാം റാലിക്ക് നേതൃത്വം നല്കാന് മുന്നിലുണ്ടായിരുന്നു. അതേസമയം പാര്ട്ടി നിര്ദേശം ലംഘിച്ച് റാലി നടത്തിയാല് നടപടിയുണ്ടാവുമെന്ന് നേരത്തെ കെപിസിസി ആര്യാടന് ഷൗക്കത്തിന് മുന്നറിയിപ്പ് നല്കിയിരുന്നു. പരിപാടിയെ കുറിച്ച് തെറ്റിദ്ധാരണ പരത്തുകയാണെന്ന് ആര്യാടന് ഷൗക്കത്ത് ആരംഭിച്ചിരുന്നു. ഫൗണ്ടേഷന്റെ പരിപാടിയില് എന്താണ് പാര്ട്ടി വിരുദ്ധതയുള്ളത്. ഇത് പലസ്തീന് വേണ്ടി മാത്രമുള്ള പരിപാടിയാണെന്നും ആര്യാടന് ഷൗക്കത്ത് പറഞ്ഞു.
ആര്യാടന് ഫൗണ്ടേഷനാണ് പരിപാടി നടത്തിയത്. കെപിസിസിയുടെ കത്തിന് മറുപടി നല്കുമെന്ന് നേരത്തെ തന്നെ ഷൗക്കത്ത് പറഞ്ഞിരുന്നു. കെപിസിസിയുടെ മുന്നറിയിപ്പ് കണക്കിലെടുത്ത് ചില നേതാക്കള് റാലിയില് നിന്ന് പിന്മാറിയിരുന്നു. എന്നാല് സാമുദായിക നേതാക്കള് അടക്കം പരിപാടിയില് പങ്കെടുക്കാന് എത്തി. മുജാഹിദ് നേതാവ് ഹുസൈന് മടവൂരും, സമസ്ത പ്രതിനിധിയായി ഡോ മുഹമ്മദ് നദ്വിയും പരിപാടിക്ക് എത്തി. എന്നാല് നേതാക്കളില് പലരും റാലിയില് നിന്ന് പിന്മാറിയിരുന്നു.
ടൗണ് ഹാള് പരിസരത്ത് നിന്നാണ് റാലി ആരംഭിച്ചത്. റാലി കിഴക്കേത്തല വരെ നീണ്ടു. തുടര്ന്ന് പൊതുയോഗം നടത്താനും ആര്യാടന് മുഹമ്മദ് ഫൗണ്ടേഷന് തീരുമാനിച്ചിരുന്നു. ഇതിനെതിരെയായിരുന്നു കെപിസിസി കര്ശന നിര്ദേശം നല്കിയത്. ജില്ലയിലെ കോണ്ഗ്രസ് മണ്ഡലം പ്രസിഡന്റുമാരെ നിശ്ചയിച്ചതുമായി ബന്ധപ്പെട്ട വിഭാഗീയതയാണ് ഇപ്പോഴത്തെ പ്രശ്നങ്ങളിലേക്ക് വഴിവെച്ചത്.
നേരത്തെ മലപ്പുറം ജില്ലാ കമ്മിറ്റി പലസ്തീന് ഐക്യദാര്ഢ്യ റാലി നടത്തിയിരുന്നു. ആര്യാടന് ഷൗക്കത്തും, സി ഹരിദാസും അടക്കമുള്ള എ ഗ്രൂപ്പ് നേതാക്കള് ഡിസിസിയുടെ പരിപാടിയില് പങ്കെടുത്തിരുന്നു. പലസ്തീന് ജനതയ്ക്കൊപ്പം നില്ക്കുന്ന നിലപാടാണ് കോണ്ഗ്രസ് തുടക്കം മുതല് സ്വീകരിച്ചിട്ടുള്ളതെന്ന് ആര്യാടന് ഷൗക്കത്ത് വ്യക്തമാക്കി. ആര്യാടന് ഫൗണ്ടേഷന് നടത്തിയ ആദ്യ പരിപാടി അബ്ദുള് കലാം ആസാദ് കോണ്ഗ്രസ് പ്രസിഡന്റ് ആയതിന്റെ നൂറാം വാര്ഷികമാണ്.
അത് ഉദ്ഘാടനം ചെയ്തത് യുഡിഎഫ് കണ്വീനര് എംഎം ഹസനാണ്. അതില് പങ്കെടുത്തത് എംപിമാരും എംഎല്എമാരുമാണ്. അതെങ്ങനെയാണ് പാര്ട്ടി വിരുദ്ധമായി മാറിയത് എന്ന് അറിയില്ല. ഡിസിസിയുമായി സഹകരിച്ച് നടത്തിയ രണ്ടാമത്തെ പരിപാടിയില് പ്രതിപക്ഷ നേതാവിനായിരുന്നു അവാര്ഡ് നല്കിയത്. ഇത് മൂന്നാമത്തെ പരിപാടിയാണ്. ഇസ്രായേലിനെതിരെ ചെറുത്ത് നില്പ്പ് നടത്തുന്ന പലസ്തീന് ജനതയ്ക്ക് വേണ്ടിയുള്ള ഈ റാലിയെന്നും ആര്യാടന് ഷൗക്കത്ത് പറഞ്ഞു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google