ഫോണ് ഉപയോഗിക്കുന്നതിനെ മാതാവ് ശാസിച്ചതിന് പിന്നാലെ പതിനൊന്നുകാരന് തൂങ്ങി മരിച്ചു
മലപ്പുറം: ഫോണ് ഉപയോഗിക്കുന്നതിനെ മാതാവ് ശാസിച്ചതിന് പിന്നാലെ പതിനൊന്നുകാരന് തൂങ്ങി മരിച്ചു. എടവണ്ണ ചമ്പക്കുത്ത് പരേതനായ മുജീബ് റഹ്മാന്റെ മകന് ഹബീബ് റഹ്മാന് (11) ആണ് വീടിനകത്ത് തൂങ്ങി മരിച്ചത്. എടവണ്ണ കല്ലിടുമ്പ് റോയല് സ്കൂള് നാലാം ക്ലാസ് വിദ്യാര്ത്ഥിയാണ്. ചൊവ്വാഴ്ച്ച ഉച്ചകഴിഞ്ഞ് മൂന്ന് മണിയോടെയാണ് സംഭവം.
കോടികള് കിട്ടിയാല് ആരാണ് മാറാത്തതെന്ന് കൊടിക്കുന്നില്; കൊടിക്കുന്നിലിന് എത്ര വേണമെന്ന് ബിജെപി
മൊബൈല് ഫോണ് ഉപയോഗിക്കുന്നത് സംബന്ധിച്ച് ചൊവ്വാഴ്ച്ച രാവിലെ കുട്ടിയെ മാതാവ് ശാസിച്ചിരുന്നു. മാതാവും മൂത്ത സഹോദരിയും ജോലിക്ക് പോയ ശേഷമാണ് കുട്ടി സ്വന്തം മുറിയില് കയറി ജനല്കമ്പിയില് ഷാള് ഉപയോഗിച്ച് തൂങ്ങിയത്. മറ്റൊരു സഹോദരി വീട്ടില് ഉണ്ടായിരുന്നെങ്കിലും വിവരം അറിഞ്ഞിരുന്നില്ല. മാതാവ് ജോലി കഴിഞ്ഞെത്തി മകനെ വിളിച്ചെങ്കിലും മറുപടി ലഭിക്കാത്തതിനെ തുടര്ന്ന് അയല്ക്കാരെ വിളിച്ചുകൂട്ടി വാതില് ചവിട്ടി തുറക്കുകയായിരുന്നു.
പിതാവ് വൃക്കരോഗം മൂലം കഴിഞ്ഞ വര്ഷം ഗള്ഫില് മരിച്ചിരുന്നു. മാതാവ് : ഷീബ. സഹോദരിമാര് : ഹസ്ന ജബിന് (ലാബ് ടെക്നീഷ്യന്), ഹനീന റഹ്മാന്. എടവണ്ണ പൊലീസ് ഇന്ക്വസ്റ്റ് നടത്തിയ മൃതദേഹം ഇന്ന് മഞ്ചേരി മെഡിക്കല് കോളേജില് പോസ്റ്റ്മോര്ട്ടത്തിന് ശേഷം ചമ്പക്കുത്ത് ജുമാമസ്ജില് ഖബറടക്കും.