പരപ്പനങ്ങാടിയില് ഒരു കുടംബത്തിലെ നാല് പേര്ക്ക് കൊറോണ; ജില്ലയില് മൊത്തം 8 പേര്ക്ക്
മലപ്പുറം: ജില്ലയില് എട്ട് പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. ഇതില് നാല് പേര് ഒരു കുടുംബത്തിലുള്ളവരാണ്. മുംബൈയില് നിന്ന് മെയ് 21 ന് വീട്ടിലെത്തിയ പരപ്പനങ്ങാടി സ്വദേശി 60 കാരന്, ഇദ്ദേഹത്തിന്റെ മരുമകള് 30 വയസുകാരി, ഇവരുടെ മക്കളായ മൂന്ന് വയസുകാരി, മൂന്നര മാസം പ്രായമുള്ള പെണ്കുഞ്ഞ് എന്നിവര്ക്കാണ് ഇന്ന് രോഗം സ്ഥിരീകരിച്ചത്. ഈ കുടുംബത്തിലെ 60 കാരന്റെ ഭാര്യക്കും മകനും കഴിഞ്ഞദിവസം കോവിഡ് ബാധ സ്ഥിരീകരിച്ചിരുന്നു.
മുംബൈയില് നിന്ന് മെയ് 16 ന് എത്തിയ തെന്നല തറയില് സ്വദേശി 41 കാരന്, മുംബൈയില് നിന്നുതന്നെ മെയ് 22 ന് എത്തിയ വെളിയങ്കോട് വടക്കേപ്പുറം സ്വദേശി, മസ്കറ്റില് നിന്ന് കണ്ണൂര് വഴി മെയ് 23 ന് ജില്ലയിലെത്തിയ ചേളാരി പാടാത്താലുങ്ങല് സ്വദേശി 43 കാരന്, ആന്ധ്രപ്രദേശിലെ കര്ണൂലില് നിന്ന് മെയ് എട്ടിന് എത്തിയ വള്ളിക്കുന്ന് ആലിന്ചുവട് കൊടക്കാട് സ്വദേശി 37 കാരന് എന്നിവര്ക്കും ഇന്ന് രോഗം സ്ഥിരീകരിച്ചു.
ഇപ്പോള് വേണ്ടെന്ന് യുഎഇ, അതെ എന്ന് സൗദി; ഇന്ത്യയുടെ വിജയം, ഒഐസി വീഴ്ചയില് അമ്പരന്ന് പാകിസ്താന്
ഇവരെല്ലാം മഞ്ചേരി ഗവ.മെഡിക്കല് കോളജ് ആശുപത്രിയില് ഐസൊലേഷനില് ചികിത്സയിലാണ്. രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായവര് വീടുകളില് പൊതു സമ്പര്ക്കമില്ലാതെ പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
കിടപ്പുമുറിയില് പിതാവ് ക്രൂരമായി ആക്രമിച്ചു; പോലീസില് കീഴടങ്ങി, റൊമിന ചെയ്ത കുറ്റം അറിയുമോ?
കോവിഡ് വ്യാപനം തടയുന്നതിന്റെ ഭാഗമായി മലപ്പുറം ജില്ലയില് ഇന്ന് 594 പേര്ക്കുകൂടി പ്രത്യേക നിരീക്ഷണം ഏര്പ്പെടുത്തി. 12,362 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 153 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 150 പേരും നിലമ്പൂര് ജില്ലാ ആശുപത്രിയില് ഒരാളും, തിരൂര് ജില്ലാ ആശുപത്രിയില് രണ്ട് പേരുമാണ് ഐസൊലേഷനിലുള്ളത്. 10,937 പേരാണ് ഇപ്പോള് വീടുകളില് നിരീക്ഷണത്തില് കഴിയുന്നത്. 1,272 പേര് കോവിഡ് കെയര് സെന്ററുകളിലും ആരോഗ്യ വകുപ്പിന്റെ പ്രത്യേക നിരീക്ഷണത്തില് കഴിയുന്നു.