ഒടുവില് മലപ്പുറത്തുകാരുടെ നന്മയില് വീണ് മനേക ഗാന്ധി, 'മനോഹരമായ ചരിത്രമുള്ള നാട്'; പ്രശംസ..!!
മലപ്പുറം: കരിപ്പൂര് വിമാനത്താവളത്തില് എയര് ഇന്ത്യ വിമാനം അപകടത്തില്പ്പെട്ട സമയത്ത് കൊവിഡിനെ പോലും വകവയ്ക്കാതെ രക്ഷാപ്രവര്ത്തനം നടത്തിയ മലപ്പുറത്തുകാരെ അഭിനന്ദിച്ച് മനേക ഗാന്ധി എംപി. വിമാനം തീപിടിച്ചുണ്ടായേക്കാവുന്ന അപകടവും കൊവിഡ് വ്യാപന സാധ്യതയും വകവയ്ക്കാതെ രക്ഷാപ്രവര്ത്തനം നടത്തിയവരുടെ സേവന മനോഭാവം വിശദീകരിച്ച് യൂത്ത് ലീഗ് നേതാവ് മനേക ഗാന്ധിക്ക് ഇമെയില് സന്ദേശം അയച്ചിരുന്നു. ഈ സന്ദേശത്തിന് മറുപടിയായാണ് മനേക ഗാന്ധി മലപ്പുറത്തുകാരെ പ്രംശസിച്ചത്.
Recommended Video
വിമാനാപകടസമയത്ത് മികച്ച ഇടപെടലാണ് മലപ്പുറത്തുകാരുടെ ഭാഗത്ത് നിന്നുണ്ടായതെന്നാണ് മനേക ഗാന്ധി മറുപടി ഇമെയില് സന്ദേശത്തില് പറഞ്ഞത്. ഇതുരോലെ മനുഷ്യത്വപരമായ സമീപനം എല്ലാ ജീവികള്ക്ക് നേരെയുണ്ടാകുമെന്നാണ് പ്രതീക്ഷിക്കുന്നതെന്നും മനേക ഗാന്ധിയുടെ സന്ദേശത്തില് പറയുന്നുണ്ടെന്ന് മനോരമ ഓണ്ലൈന് റിപ്പോര്ട്ട് ചെയ്യുന്നു. മൊറയൂര് പഞ്ചായത്ത് യൂത്ത് ലീഗ് ജനറല് സെക്രട്ടറി അബ്ബാസ് വടക്കനാണ് മനേക ഗാന്ധിക്ക് സന്ദേശം അയച്ചത്.
അതേസമയം, പാലക്കാട് മാസങ്ങള്ക്ക് മുമ്പ് ഗര്ഭിണിയാ കാട്ടാന കൊല്ലപ്പെട്ട സംഭവത്തില് മനേക ഗാന്ധി മലപ്പുറത്തെ ജനങ്ങളെ വിമര്ശിച്ച് രംഗത്തെത്തിയിരുന്നു. ഇത് രാഷ്ട്രീയപരമായി വലിയ വിവാദങ്ങളിലേക്ക് ഉയര്ന്നിരുന്നു. ഇതില് പ്രതിഷേധിച്ചും അന്ന് മൊറയൂര് യൂത്ത് ലീഗ് അയച്ച സന്ദേശത്തിനംു മനേക ഗാന്ധി മറുപടി നല്കിയിരുന്നുയ മനോഗരമായ ചരിത്രമുള്ള നാടാണ് മലപ്പുറമെന്നും വനംവകുപ്പില് നിന്ന് ലഭിച്ച വിവരത്തിന്റെ അടിസ്ഥാനത്തിലാണ് അന്ന് മലപ്പുറത്തെ പരാമര്ശിച്ചതെന്നായിരുന്നു അന്ന് മനേക ഗാന്ധി നല്കിയ വിശദീകരണം.
മലപ്പുറം കളക്ടറും സംഘവും കൊറോണ ചികില്സയില്; എങ്ങനെയാണ് ജില്ലാ ഭരണം? അറിയാം...
വില പറയാൻ വന്ന മമതയുടെ സംഘത്തെ ഓടിച്ച് വിട്ട സിപിഎം എംഎല്എമാര്! എംബി രാജേഷിന്റെ കുറിപ്പ് വൈറൽ!