കരിപ്പൂര് വിമാനാപകടം: രക്ഷാപ്രവര്ത്തനത്തിലേര്പ്പെട്ട പത്ത് പേര്ക്ക് കൊവിഡ് സ്ഥിരീകരിച്ചു
മലപ്പുറം: കരിപ്പൂര് വിമാനത്താവളത്തില് എയര് ഇന്ത്യ വിമാനം അപകടത്തില്പ്പെട്ട സമയത്ത് രക്ഷാപ്രവര്ത്തനത്തില് ഏര്പ്പെട്ട പത്ത് പേര്ക്ക് കൊവിഡ് സ്ഥിരീകരിച്ചു. കൊണ്ടോട്ടിക്കാരായ നാല് പേര്ക്കും നെടിയിരുപ്പുകാരായ ആറ് പേര്ക്കുമാണ് ഇപ്പോള് രോഗം സ്ഥിരീകരിച്ചത്. ഞായറാഴ്ച മൂന്ന് പേര്ക്ക് രോഗം സ്ഥിരീകരിച്ചിരുന്നു. വിമാനം അപകടത്തില്പ്പെട്ട സമയത്ത് കൊവിഡിനെ വകവയ്ക്കാതെ രക്ഷാപ്രവര്ത്തനത്തിന് നാട്ടുകാര് ഇറങ്ങിയതിനെ തുടര്ന്നായിരുന്നു ദുരന്തത്തിന്റെ വ്യാപ്തി കുറഞ്ഞത്.
രക്ഷാപ്രവര്ത്തനത്തിന് ശേഷം ഇവര് എല്ലാവരും ക്വാറന്റീനില് പ്രവേശിച്ചിരുന്നു. 300ഓളം പേരാണ് ക്വാറന്റീനില് പ്രവേശിച്ചത്. ഇവര്ക്ക് വിവിധയിടങ്ങളില് പരിശോധന നടത്തുന്നുണ്ട്. നേരത്തെ മലപ്പുറം ജില്ലാ കളക്ടര് കെ ഗോപാലകൃഷ്ണന്, അസി. കളക്ടര് വിഷ്ണു രാജ്, സബ് കളക്ടര് കെഎസ് അഞ്ജു എന്നിവര്ക്കും ഇവരുടെ പേഴ്സണല് സ്റ്റാഫ് അംഗങ്ങളും കുടുംബാഗങ്ങളും ഉള്പ്പടെ 21 പേര്ക്ക് നേരത്തെ കൊവിഡ് സ്ഥിരീകരിച്ചിരുന്നു. ഈ മാസം 14നാണ് കളക്ടര്ക്കും സബ് കളക്ടര് കെഎസ് അഞ്ജുവിനും അസിസ്റ്റന്റ് കളക്ടര് വിഷ്ണു രാജിനും രോഗം ബാധിച്ചത്.
Recommended Video
രോഗം ബാധിച്ചെങ്കിലും കൊറോണ പ്രതിരോധ പ്രവര്ത്തനങ്ങള്ക്ക് ഇവര് തന്നെയാണ് നേതൃത്വം നല്കുന്നത്. ഇവരിപ്പോള് കോട്ടക്കല് ആര്യവൈദ്യ ശാലയിലെ സെന്റിനറി ബ്ലോക്കിലെ ചികില്സാ മുറിയിയിരുന്നാണ് ജില്ലയുടെ കൊറോണ പ്രതിരോധ പ്രവര്ത്തനം ഉള്പ്പെടെ നിയന്ത്രിക്കുന്നത്. കൊറോണ ചികില്സക്കിടെയും കൊറോണ പ്രതിരോധം നടത്തുകയാണവര്. ദിവസവും ആറ് ഓണ്ലൈന് മീറ്റിങുകള് നടക്കുന്നുണ്ട്. കൊറോണ അവലോകന യോഗങ്ങളും മുടങ്ങിയിട്ടില്ല. ഭരണസ്തംഭനമുണ്ടാകില്ലെന്നും എല്ലാം പഴയ പോലെ നടക്കുന്നുണ്ടെന്നും കളക്ടര് പറഞ്ഞു.
അതേസമയം, മലപ്പുറത്ത് രോഗ ഭീതി വര്ധിക്കുകയാണ്. ഓരോ ദിവസവും 300ലധികമാണ് രോഗികള്. ഇത് ആശങ്കയുണ്ടാക്കുന്നതാണെന്നും ജനങ്ങളുടെ സഹകരണം ആവശ്യമാണെന്നും കളക്ടര് അഭ്യര്ഥിച്ചു. സാമൂഹിക അകലം പാലിച്ചും, മാസ്ക് ധരിച്ചും, സോപ്പും സാനിറ്റൈസറും ഉപയോഗിച്ചും, നിര്ദ്ദേശങ്ങള് കൃത്യമായി പാലിച്ചും സുരക്ഷിതരായിരിക്കാന് എല്ലാവരും പ്രത്യേകം ശ്രദ്ധിക്കണമെന്ന് കളക്ടര് അറിയിച്ചു. കരുതലിന്റെ കരങ്ങളാല് ഈ മഹാമാരിയെ തടുത്തു നിര്ത്താന് നമുക്ക് കഴിയും. നമ്മള് അതിജീവിക്കുമെന്നും കളക്ടര് ഫേസ്ബുക്കില് കുറിച്ചു.
ജില്ലയില് ഇന്നലെ 306 പേര്ക്കാണ് കോവിഡ് 19 സ്ഥിരീകരിച്ചത്. 288 പേര്ക്കാണ് സമ്പര്ക്കത്തിലൂടെ രോഗബാധയുണ്ടായത്. ഇതില് മൂന്ന് ആരോഗ്യ പ്രവര്ത്തകരുള്പ്പെടെ 13 പേര് ഉറവിടമറിയാതെയും 275 പേര് നേരത്തെ രോഗബാധിതരായവരുമായി നേരിട്ടുള്ള സമ്പര്ക്കത്തിലൂടെയുമാണ് രോഗബാധിതരായത്. ഇന്ന് രോഗം സ്ഥിരീകരിച്ചവരില് നാല് പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന 14 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google