കരുത്തു കാട്ടി വണ്ടൂരില് എല്ഡിഎഫ് സ്ഥാനാര്ഥിയുടെ റോഡ് ഷോ
മലപ്പുറം: ജില്ലാ പഞ്ചായത്ത് വണ്ടൂര് ഡിവിഷനിലെ എല്ഡിഎഫ് സ്ഥാനാര്ഥി പികെ മുബശ്ശിറിന്റെ റോഡ് ഷോ ശക്തി പ്രകടനമായി. വണ്ടൂര് ടൗണില് നടന്ന റോഡ് ഷോയില് നിരവധി യുവാക്കളും വിദ്യാര്ഥികളും സ്ത്രീകളും തൊഴിലാളികളും ഉള്പ്പെടെയുള്ളവര് പങ്കെടുത്തു. എല്ഡിഎഫ് വണ്ടൂര് മേഖല തിരഞ്ഞെടുപ്പ് കമ്മിറ്റിയുടെ ആഭിമുഖ്യത്തിലായിരുന്നു പ്രകടനം. വണ്ടൂര് ഡിവിഷനില് നിന്ന് ഇത്തവണ ശക്തമായ പ്രകടനം കാഴ്ചവയ്ക്കാന് സാധിക്കുമെന്നാണ് എല്ഡിഎഫിന്റെ വിശ്വാസം.
Recommended Video
കോര്പറേറ്റുകള് കേരളത്തില് വേരൂന്നാന് ശ്രമിക്കുന്നുണ്ട്. എന്നാല് കേരളത്തിലെ ഇടതുപക്ഷത്തെ തകര്ത്ത് കൊണ്ടല്ലാതെ അവരുടെ ലക്ഷ്യം നേടാന് സാധിക്കില്ല. അതുകൊണ്ടുതന്നെ ഇടതുപക്ഷത്തെ ശക്തിപ്പെടുത്തേണ്ടതുണ്ടെന്നും ഇത്തവണ എല്ലാ വോട്ടര്മാരും ഇടതുപക്ഷത്തെ പിന്തുണയ്ക്കണമെന്നും മുബശ്ശിര് പറഞ്ഞു. ഈ തിരഞ്ഞെടുപ്പ് കേരളത്തെ സംരക്ഷിച്ചുനിര്ത്താനുള്ളത് കൂടിയാണെന്നും അദ്ദേഹം കൂട്ടിച്ചേര്ത്തു. അഡ്വ. അനില്, സി ജയപ്രകാശ്, കെ റഹീം, കെ നിധിന്, അജയ്, അരുണ് എന്നിവര് റോഡ് ഷോയ്ക്ക് നേതൃത്വം നല്കി.
Click it and Unblock the Notifications
Sign in with Google