ഷെരീഫിന്റെ പ്രചാരണത്തിന് മാറ്റേകി മകളുടെ കിടിലന് പാട്ട്; ആലങ്കോട് വേറിട്ട പ്രചാരണം, വീഡിയോ
മലപ്പുറം: ആലങ്കോട് പഞ്ചായത്തില് മല്സരിക്കുന്ന ഇടതുപക്ഷ സ്ഥാനാര്ഥി മുഹമ്മദ് ഷെരീഫിന്റെ പ്രചാരണത്തിന് കൊഴുപ്പേകി മകള് ആഫിദയുടെ പാട്ട്. ബാപ്പയുടെ പ്രചാരണത്തിന് ആവേശമായിരിക്കുകയാണ് മകളുടെ തിരഞ്ഞെടുപ്പ് ഗാനം. ഏഴാം ക്ലാസുകാരിയാണ് ആഫിദ. പിതാവിന്റെ പ്രചാരണത്തിന് പാട്ട് പാടാന് കഴിഞ്ഞതില് അതിയായ സന്തോഷമുണ്ടെന്നും ബാപ്പവിജയിക്കുമെന്ന് ഉറപ്പുണ്ടെന്നും ആഫിദ പറയുന്നു.
2015ല് തിരഞ്ഞെടുക്കപ്പെട്ട മുഹമ്മദ് ഷെരീഫ് ഇത് രണ്ടാം തവണയാണ് ജനവിധി തേടുന്നത്. ആഫിദയുടെ പാട്ട് ആലങ്കോട്ടുകള് നേഞ്ചേറ്റിക്കഴിഞ്ഞു. വിദേശത്ത് നിന്ന് വരെ അഭിനന്ദനങ്ങളെത്തി. പിതാവിനെ വിളിച്ച് പലരും അഭിനന്ദനങ്ങളറിയിച്ചുവെന്ന് ആഫിദ പറയുന്നു. ആലങ്കോട് പഞ്ചായത്തില് 16ാം വാര്ഡിലാണ് ഷെരീഫ് മല്സരിക്കുന്നത്. മകളുടെ പാട്ട് വൈറലായതിന്റെ സന്തോഷത്തിലാണ് ഷെരീഫ്. വിജയം തനിക്കൊപ്പമായിരിക്കുമെന്നും അദ്ദേഹം ആത്മവിശ്വാസം പ്രകടിപ്പിക്കുന്നു.
രജനികാന്ത് തിരുവമണ്ണാമലൈയില് മല്സരിക്കും; സൂചന നല്കി സഹോദരന്, ചൂടുപിടിച്ച് രാഷ്ട്രീയം
തദ്ദേശ തിരഞ്ഞെടുപ്പില് ഏറെ രസകരമാണ് പ്രചാരണ ഗാനങ്ങള്. ഓരോ വാര്ഡിലും സ്ഥാനാര്ഥികളുടെ പേരില് പ്രത്യേകം പാട്ടുകള് ഇറക്കുക പതിവാണ്. ഇതിന് വേണ്ടി പ്രത്യേക ഗായക സംഘങ്ങള് തന്നെ പ്രവര്ത്തിക്കുന്നു. ഇവിടെ പിതാവിന്റെ പ്രചാരണത്തിന് മകള് തന്നെ പാടി എന്നത് ഏറെ വ്യത്യസ്തമായ ഒന്നാണ്.
Recommended Video
കോട്ടയത്ത് നെറ്റി ചുളിച്ച് മാണി സി കാപ്പന്; വെറും 165, എല്ഡിഎഫില് പൊരിച്ചില് തുടങ്ങി