പോലീസിനെ കണ്ട് ഭയന്ന് ഭാരതപ്പുഴയില് ചാടിയ യുവാവിന്റെ മൃതദേഹം കണ്ടെത്തി, അപകടം കണ്ടിട്ടും പോലീസ് തിരിഞ്ഞുനോക്കിയില്ലെന്ന്
മലപ്പുറം: പോലീസിന്റെ വാഹന പരിശോധനക്കിടെ പോലീസിനെ കണ്ട് ഭയന്ന് ഭാരതപ്പുഴയില് ചാടിയ യുവാവിന്റെ മൃതദേഹം കണ്ടെത്തി. മണല്കടത്തുന്നത് ശ്രദ്ധയില്പ്പെട്ടതിനെത്തുടര്ന്ന് പിടികൂടിയ ലോറിയില് നിന്നാണ് യുവാവ് ഭാരതപ്പുഴയിലേക്ക് ചാടിയത്. ചാടിയ രണ്ടുപേരില് ഒരാള് രക്ഷപ്പെട്ടിരുന്നു. തവനൂര് അതളൂര് സ്വദേശി പുളിക്കല് മന്സൂറി(20)ന്റെ മൃതദേഹമാണ് ഇന്ന് രാവിലെ കണ്ടെത്തിയത്. മന്സൂറിനൊപ്പം പുറത്തൂര് അത്താണിപ്പടി സ്വദേശി ഉമര്ഷാദും പുഴയിലേക്ക് ചാടിയിരുന്നു. ഇയാള് പിന്നീട് നീന്തി രക്ഷപ്പെട്ടിരുന്നു.
ഇന്നലെ രാവിലെ ചമ്രവട്ടം പാലത്തിനു സമീപമാണ് സംഭവം. പോലീസ് നടത്തിയ വാഹന പരിശോധനക്കിടെ വന്ന മണല് ലോറിയില് നിന്നും ഡ്രൈവറും,ക്ലീനറും പുഴയില് ചാടുകയായിരുന്നു.
തിരൂര്കാവിലക്കാട് ഭാഗത്ത് നിന്നും മണല് കയറ്റി കൊണ്ടുപോവുകയായിരുന്ന ലോറി ജീവനക്കാരാണ് പൊന്നാനി ചമ്രവട്ടം പാലത്തില് വെച്ച് പുഴയിലേക്ക് എടുത്തു ചാടിയത്. പുലര്ച്ചെ ആറു മണിയോടെയാണ് സംഭവം. കൂടെയുണ്ടായിരുന്ന ചമ്രവട്ടം അത്താണിപ്പടി സ്വദേശി ഉമര്ഷാദ് (24)ഇന്നലെ തന്നെ നീന്തി രക്ഷപ്പെട്ടിരുന്നു.
മരിച്ച പുളിക്കല് മന്സൂര്(20)
തിരൂര് എസ്.എച്ച്.ഒ.സുമേഷ് സുധാകറിന്റെ നേതൃത്വത്തില് ചമ്രവട്ടത്ത് വാഹന പരിശോധന നടത്തിക്കൊണ്ടിരിക്കുമ്പോയാണ് സംഭവം. കാവിലക്കാട് ഭാഗത്ത് നിന്നും മണലുമായി ലോറിയില് വരികയായിരുന്ന ഇരുവരും ചമ്രവട്ടം ബസ്സ്റ്റോപ്പ് പാലത്തില് വെച്ച് പൊലീസിനെ കണ്ടതോടെ സ്പീഡില് പോവുകയായിരുന്നു. തുടര്ന്ന് പൊലീസ് പിന്തുടര്ന്നെത്തി. പാലത്തില് വെച്ച് പൊലീസുകാര് ജീപ്പില് നിന്നും ഇറങ്ങുമ്പോഴേക്കും ഇരുവരും പാലത്തിന്റെ ജലം സംഭരിച്ച് നിര്ത്തുന്ന വടക്ക് ഭാഗത്തേക്ക് ചാടി.
ഒഴുക്കില്പ്പെട്ട് കാണാതായ മന്സൂറാണ് ആദ്യം പുഴയിലേക്ക് എടുത്തു ചാടിയത്. തുടര്ന്ന് ഉമര്ഷാദും പുഴയിലേക്ക് ചാടി. വെള്ളത്തിന്റെ കുത്തൊഴുക്ക് വര്ധിച്ചതിനാലും ഷട്ടറുകള് തുറന്നതിനാലും ഇരുവരും പാലത്തിന്റെ തെക്കുഭാഗത്തേക്ക് ഒഴുകിപ്പോയി. പാലത്തിനടയിലെ കല്ലില് പിടിച്ചു നിന്ന ഉമര്ഷാദ് പിന്നീട് തൊട്ടടുത്ത തുരുത്തിലേക്ക് നീന്തിക്കയറുകയായിരുന്നു. മന്സൂറും കല്ലില് പിടിച്ചു നിന്നെന്ന് രക്ഷപ്പെട്ട ഉമര്ഷാദ് പറഞ്ഞിരുന്നു. പിന്നീട് മന്സൂറിനെ കാണാതാവുകയായിരുന്നു. യുവാക്കള് പുഴയില് ചാടിയത് കണ്ടിട്ടും പൊലീസ് രക്ഷപ്പെടുത്താന് ശ്രമിക്കാതെ ലോറിയുമായി പോയെന്ന് ആരോപിച്ച് നാട്ടുകാര് ഏറെനേരം പൊലീസുമായി വാക്കുതര്ക്കമുണ്ടാവുകയും സംസ്ഥാന പാത ഉപരോധിക്കുകയും ചെയ്തു.
നാലു മണിക്കൂറിന് ശേഷം പത്തു മണിയോടെയാണ് ഫയര്ഫോഴ്സും, പൊലീസും, നാട്ടുകാരും ചേര്ന്ന് തെരച്ചില് ആരംഭിച്ചത്. പിന്നീട് ചാലിയാര്, തിരുവേഗപ്പുറ എന്നിവിടങ്ങളില് നിന്നുള്ള മുങ്ങല് വിദഗ്ദരും, പൊന്നാനിയില് നിന്ന് സീ-ഗാര്ഡുമാരും തെരച്ചിലിനെത്തി. ഒടുവിലാണ് മൃതദേഹം കണ്ടെത്തിയത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google