ഉറങ്ങുന്ന ഭര്ത്താവിന്റെ കൈകാലുകള് കെട്ടി; സാരി കഴുത്തില് ചുറ്റി... വേങ്ങരയില് യുവതി ചെയ്തത് ക്രൂരത
മൃതദേഹം വിശദമായി പരിശോധിച്ചപ്പോഴാണ് കൊലപാതകമാണെന്ന് തെളിഞ്ഞത്
മലപ്പുറം: വേങ്ങരയില് യുവാവിന്റെ മരണം കൊലപാതകമെന്ന് തെളിഞ്ഞു. ഭാര്യയെ പോലീസ് അറസ്റ്റ് ചെയ്തു. മറ്റൊരു യുവാവുമായുണ്ടായിരുന്ന പ്രണയമാണ് കൊലപാതകത്തിലേക്ക് നയിച്ചത്. പോസ്റ്റ്മോര്ട്ടത്തില് മൃതദേഹത്തില് പരിക്ക് കണ്ടെത്തിയതാണ് കൊലപാതകം തെളിയാന് കാരണം. തുടര്ന്ന് പോലീസ് വിശദമായി ചോദ്യം ചെയ്തപ്പോള് യുവതി കുറ്റമേറ്റു. വേങ്ങര യാറംപടിക്കടുത്ത പികെ ക്വാട്ടേഴ്സില് ഇതര സംസ്ഥാന തൊഴിലാളി മരിച്ച സംഭവത്തിലാണ് ഞെട്ടിക്കുന്ന വിവരങ്ങള്.
ജനുവരി 31ന് രാത്രിയണ് സന്ജിത് പാസ്വാന് (33) മരിച്ചത്. വയറ് വേദനയാണെന്നും തീരെ അവശനാണെന്നും കാണിച്ച് ഭാര്യ പൂനംദേവിയാണ് ഇയാളെ ആശുപത്രിയിലെത്തിച്ചത്. ബിഹാറിലെ വൈശാലി സ്വദേശികളാണ് ഇരുവരും. മൃതദേഹ പരിശോധനയില് മുറിവുകള് കണ്ടെത്തിയതോടെയാണ് സംശയമുണ്ടായത്. തുടര്ന്ന് വിശദമായ പരിശോധന നടത്തി. സഞ്ജിതിന്റെ കഴുത്തിലും മുഖത്തും മുറിവിന്റെ പാടുണ്ടായിരുന്നു. തുടര്ന്ന് ഭാര്യയെ പോലീസ് ചോദ്യം ചെയ്തു.
സ്വര്ണം വാങ്ങാന് പറ്റിയ സമയം!! വില ഇടിഞ്ഞുതാഴ്ന്നു!! 1000 രൂപയോളം കുറവ്... നിലവാരം അറിയാം
പൂനംദേവിക്ക് മറ്റൊരു യുവാവുമായി പ്രണയമുണ്ടായിരുന്നുവത്രെ. ഇക്കാര്യം അറിഞ്ഞതോടെയാണ് സന്ജിത് മാസങ്ങള്ക്ക് മുമ്പ് അഞ്ച് വയസുള്ള മകനൊപ്പം നാട്ടില് നിന്ന് വന്നത്. ഇയാള് കിടന്നുറങ്ങുമ്പോള് കൈകാലുകള് കെട്ടിയിടുകയായിരുന്നു പൂനംദേവി. തുടര്ന്ന് തന്റെ സാരി ഭര്ത്താവിന്റെ കഴുത്തില് മുറുക്കിയ ശേഷം കട്ടിലില് നിന്ന് തള്ളിയിടുകയായിരുന്നു. ഇതോടെ ശ്വാസം മുട്ടിയാണ് മരണം സംഭവിച്ചത്.
ശേഷം കഴുത്തിലെയും കൈകാലുകളിലെയും കെട്ടുകള് അഴിച്ചുമാറ്റി അയല്വാസികളെ വിവരം അറിയിക്കുകയായിരുന്നു. ഭര്ത്താവ് വയറ് വേദന കാരണം അവശനായി എന്ന് കാണിച്ചാണ് പൂനംദേവി ആശുപത്രിയിലെത്തിച്ചത്. സന്ജിതിന്റെ കഴുത്തിലെ എല്ലിന് പൊട്ടലുണ്ടായിരുന്നു. തുടര്ന്നാണ് പോലീസ് പൂനംദേവിയെ ചോദ്യം ചെയ്യാന് തീരുമാനിച്ചത്.
'ദിലീപ് അഗ്നിശുദ്ധി വരുത്തി തിരിച്ചുവരും; ബാലചന്ദ്രകുമാര് ആരോഗ്യത്തോടെ വേണം, സഹായിക്കാന് റെഡി'