മലപ്പുറത്ത് 300 കിലോയുടെ കഞ്ചാവ് വേട്ട; ജില്ലയിലെത്തിച്ചത് പച്ചക്കറിയുടെ മറവില്, 5 പേര് പിടിയില്
മലപ്പുറം: പച്ചക്കറിയുടെ മറവിലെത്തിച്ച കഞ്ചാവ് മലപ്പുറം പോലീസ് പിടികൂടി. അഞ്ച് പേര് അറസ്റ്റില്. ആന്ധ്രയില് നിന്ന് പച്ചക്കറി കയറ്റിവന്ന മിനിലോറിയില് ഉള്ളി ചാക്കുകളില് ഒളിപ്പിച്ചാണ് കഞ്ചാവ് ജില്ലയിലെത്തിച്ചത്. രഹസ്യവിവരം ലഭിച്ചതിനെ തുടര്ന്നായിരുന്നു പോലീസ് പരിശോധന. മിനിലോറിയെ അനുഗമിച്ച് ഇന്നോവ കാറിലെത്തിയ സംഘമാണ് കഞ്ചാവ് കടത്തിയത്. മിനി ലോറിയും ഇന്നോവ കാറും പോലീസ് പിടിച്ചു.
അരീക്കോട് ചെമ്പ്ര കാട്ടൂര് ഷാഹുല് ഹമീദ്, മഞ്ചേരി തുറക്കല് അക്ബല് അലി, കോട്ടക്കല് ഈസ്റ്റ് വില്ലൂര് അബ്ദുറഹിമാന്, ഇരുമ്പുഴി നജീബ്, കൊണ്ടോട്ടി ഇര്ഷാദ് എന്നിവരാണ് അറസ്റ്റിലായത്. സംഘത്തിലുണ്ടായിരുന്ന ചിലര് പോലീസ് പിടിക്കുമെന്ന് ഉറപ്പായ വേളയില് ഓടി രക്ഷപ്പെട്ടിരുന്നു. ഇവരെ കുറിച്ച് വ്യക്തമായ വിവരം പോലീസിന് ലഭിച്ചിട്ടുണ്ട്.
ജില്ലയില് ആദ്യമായിട്ടാണ് ഇത്രയും അധികം കഞ്ചാവ് പിടികൂടുന്നത്. ലഹരി കടത്ത് സജീവമായിട്ടുണ്ടെന്ന് പോലീസിന് രഹസ്യവിവരം ലഭിച്ചിരുന്നു. തുടര്ന്നാണ് പരിശോധന ശക്തമാക്കിയത്. മലപ്പുറം എസ്ഐ മുഹമ്മദ്, കോട്ടക്കല് എസ്ഐ റിയാസ് ചാക്കീരി, സിപിഒമാരായ പ്രശോഭ്സ ഉസ്മാന് എന്നിവരാണ് പരിശോധനയ്ക്ക് നേതൃത്വം നല്കിയത്.
Click it and Unblock the Notifications
Sign in with Google