Click it and Unblock the Notifications
Just In
Don't Miss
-
നിവിന് പോളി വന്നത് പിന്നീട്; ഹേയ് ജൂഡിലേക്ക് ആദ്യം കാസ്റ്റ് ചെയ്തിരുന്നത് ആ നടനെ; അനില് അമ്പലക്കര -
മൈലേജ് കുറച്ച് കുറഞ്ഞാലും യാത്ര സുഖം ഗ്യാരണ്ടി! ഇന്നോവ ഹൈക്രോസിന് പുത്തന് പെട്രോള് വേരിയന്റ് -
നെഗറ്റീവ് എനര്ജി ഇല്ലാതാക്കും, സംരക്ഷണം നല്കും ഈ അമൂല്യ കല്ലുകള് -
പറന്നുയർന്ന് സ്വർണം, പവന്റെ വില ഉടൻ 60,000 കടക്കും, ഹൃദയം തകർന്ന് ആഭരണ പ്രേമികൾ -
IPL 2024: 6 തോല്വികള്, ആര്സിബിയുടെ പ്ലേ ഓഫ് സാധ്യത അവസാനിച്ചോ? പരിശോധിക്കാം -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട്
ചായയില്‍ മധുരമില്ലെന്ന് പറഞ്ഞ് ഹോട്ടലുടമയെ കുത്തിവീഴ്ത്തി യുവാവ്; സംഭവം താനൂരില്‍
മലപ്പുറം: ചായയില്‍ മധുരമില്ല എന്ന കാരണം പറഞ്ഞ് ഹോട്ടലുടമയെ കുത്തി വീഴ്ത്തി യുവാവ്. മലപ്പുറം താനൂരില്‍ ആണ് സംഭവം. താനൂര്‍ ടൗണില്‍ സ്ഥി ചെയ്യുന്ന ടി എ റെസ്റ്റോറന്റ് ഉടമ മനാഫിന് ആണ് കുത്തേറ്റത്. തങ്ങള്‍ കുഞ്ഞി മാക്കാനകത്ത് സുബൈര്‍ ആണ് മനാഫിനെ കുത്തിയത്.
ഗുരുതരമായി പരിക്കേറ്റ മനാഫിനെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. പ്രതിയായ തങ്ങള്‍ കുഞ്ഞി മാക്കാനകത്ത് സുബൈറിനെ പൊലീസ് കസ്റ്റഡിയിലെടുത്തിട്ടുണ്ട്. ചൊവ്വാഴ്ച പുലര്‍ച്ചെ അഞ്ചരയോടെ ആണ് സംഭവം.
ചായ കുടിക്കാനായി റെസ്‌റ്റോറന്റില്‍ എത്തിയ സുബൈര്‍, ചായയില്‍ മധുരം കുറവാണെന്ന് പറഞ്ഞ് മനാഫുമായി തര്‍ക്കത്തില്‍ ഏര്‍പ്പെട്ടിരുന്നു. തുടര്‍ന്ന് സുബൈര്‍ ഹോട്ടലില്‍ നിന്ന് മടങ്ങുകയും ചെയ്തു. എന്നാല്‍ അല്‍പസമയത്തിനകം സുബൈര്‍ കത്തിയുമായി ഹോട്ടലില്‍ തിരിച്ചെത്തി.
തുടര്‍ന്ന് കത്തിയെടുത്ത് സുബൈര്‍ മനാഫിനെ കുത്തുകയായിരുന്നു. സുബൈര്‍ പലതവണ മനാഫിനെ കുത്തിയിട്ടുണ്ട് എന്നാണ് റിപ്പോര്‍ട്ട്. കുത്തുകൊണ്ട് മനാഫിന്റെ ശരീരത്തിലേറ്റ ഒരു മുറിവ് ആഴത്തിലുള്ള് ആണ്. ഗുരുതരമായി പരിക്കേറ്റ മനാഫിനെ ആദ്യം തിരൂര്‍ ജില്ലാ ആശുപത്രിയില്‍ ആണ് പ്രവേശിപ്പിച്ചിരുന്നത്.
പിന്നീട് മനാഫിനെ മഞ്ചേരി മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ഇവിടെ നിന്ന്് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. സംഭവത്തില്‍ പ്രതിഷേധിച്ച് താനൂരില്‍ ചൊവ്വാഴ്ച ഉച്ചയ്ക്ക് ഒരുമണി വരെ വ്യാപാരികള്‍ ഹര്‍ത്താല്‍ ആചരിക്കുകയാണ്.
ദിവസങ്ങള്‍ക്ക് മുന്‍പാണ് തൃശൂര്‍ കുന്നംകുളത്തും സമാന സംഭവം അരങ്ങേറിയത്. ബിരിയാണിയില്‍ കോഴിമുട്ടയും പപ്പടവും ഇല്ലെന്നും കൈകഴുകുന്ന സ്ഥലത്ത് വൃത്തിയില്ലെന്നും ആരോപിച്ച് ഹോട്ടല്‍ ഉടമകളായ ദമ്പതികളെ യുവാവ് ക്രൂരമായി മര്‍ദ്ദിച്ചിരുന്നു. ചൂണ്ടലില്‍ കറി ആന്‍ഡ് കോ ഹോട്ടല്‍ നടത്തുന്ന തിരുവനന്തപുരം സ്വദേശി സുധി, ഭാര്യ ദിവ്യ എന്നിവരെയാണ് യുവാവ് ഇരുമ്പ് പൈപ്പ് കൊണ്ട് മര്‍ദ്ദിച്ചിരുന്നത്.
തലക്കേറ്റ അടിയില്‍ ഗുരുതരമായി പരിക്കേറ്റ സുധിയെ കുന്നംകുളം താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്. ഡിസംബര്‍ 30 ന് ആയിരുന്നു സംഭവം. പുതുശ്ശേരി സ്വദേശിയായ യുവാവ് ആണ് ദമ്പതികളുടെ ഹോട്ടലിലെത്തി ആക്രമണം നടത്തി. ആദ്യം കഴിക്കാന്‍ ബിരിയാണി ആവശ്യപ്പെട്ട യുവാവ് പിന്നീട് ബിരിയാണിക്ക് കോഴിമുട്ടയും പപ്പടവും വേണമെന്നാവശ്യപ്പെട്ടു.
ഇതോടെ ദിവ്യ ഇത് നല്‍കുകയും ചെയ്തു. പിന്നീട് കൈ കഴുകുന്ന സ്ഥലം വൃത്തിയില്ലെന്ന് ആരോപിച്ച് യുവതിയുമായി കയര്‍ക്കുകയും പിന്നീട് മുഖത്തടിക്കുകയും ചെയ്യുകയായിരുന്നു. ഇത് ചോദ്യം ചെയ്തതിനാണ് സുധിയെ ഇയാള്‍ അടിച്ച് വീഴ്ത്തിയത്.
