ജീവിക്കാനുള്ള അവകാശത്തെ സംഘപരിവാര് വെല്ലുവിളിക്കുന്നു: എംഐ അബ്ദുല് അസീസ്
മലപ്പുറം: പൗരന്മാരുടെ ജീവിക്കാനുള്ള അവകാശമാണ് സംഘപരിവാര് കാലത്ത് വെല്ലുവിളി നേരിടുന്നതെന്ന് ജമാഅത്തെ ഇസ്്ലാമി കേരള അമീര് എംഐ അബ്ദുല് അസീസ് പറഞ്ഞു. അതിന്റെ അവസാനത്തെ ഉദാഹരണമാണ് അബ്ദുല് അസീമിന്റെ കൊലപാതകം. രാജ്യത്തിന്റെ ഭാവിക്കായി ഫാഷിസ്റ്റ് വിരുദ്ധ മതേതര ജനാധിപത്യ മുന്നണികള് ഒന്നിച്ചു നില്ക്കേണ്ട അവസാന സന്ദര്ഭമാണിതെന്ന് അമീര് പറഞ്ഞു.
മലപ്പുറം മലബാര് ഹൗസില് നടന്ന ജമാഅത്തെ ഇസ്്ലാമി പ്രവര്ത്തക കണ്വെന്ഷന് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇസ്്ലാമിക വിജ്ഞാനകോശം എഡിറ്റര് ഡോ.എ.എ. ഹലീം വിഷയാവതരണം നടത്തി. ജമാഅത്തെ ഇസ്്ലാമി ജില്ലാ വൈസ് പ്രസിഡണ്ട് പി.കെ. ഹബീബ് ജഹാന് അധ്യക്ഷനായിരുന്നു.
വി. സലാഹുദ്ദീന് ഖുര്ആന് ക്ലാസ്സെടുത്തു. ഏരിയാ വൈസ് പ്രസിഡണ്ട് വി.ടി. അബ്ദുസ്സമദ് സ്വാഗതവും ഏരിയാ സെക്രട്ടറി കെ.എം. മുഹമ്മദലി, സോളിഡാരിറ്റി ഏരിയാ സെക്രട്ടറി കെ.എന്. അജ്മല്, എസ്.ഐ.ഒ. ഏരിയാ പ്രസിഡണ്ട് പി.കെ. ഷബീറലി, വനിതാ കണ്വീനര് ടി.ടി. മൈമൂന, ജി.ഐ.ഒ ഏരിയാ പ്രസിഡണ്ട് മുസ്ഫിറ തുടങ്ങിയവര് റിപ്പോര്ട്ടവതരണവും നടത്തി.
Click it and Unblock the Notifications
Sign in with Google