മലപ്പുറത്ത് ഇന്ന് 4500ലധികം പേര്ക്ക് കൊറോണ; 3388 പേര്ക്ക് രോഗം ഭേദമായി, ചികില്സയില് 46114 പേര്
മലപ്പുറം: ജില്ലയില് കോവിഡ് 19 വൈറസ് ബാധിതരുടെ എണ്ണം വലിയ തോതില് ഉയരുന്നു. ശനിയാഴ്ച 4,558 പേര്ക്കാണ് രോഗം സ്ഥിരീകരിച്ചത്. പ്രതിദിന രോഗികളുടെ എണ്ണത്തില് ജില്ലയില് ഇതുവരെ രേഖപ്പെടുത്തിയതില് ഏറ്റവും ഉയര്ന്ന നിരക്കാണിതെന്ന് ജില്ലാ മെഡിക്കല് ഓഫീസര് ഡോ. കെ. സക്കീന പറഞ്ഞു. 35.7 ശതമാനമാണ് ജില്ലയിലെ ടെസ്റ്റ് പോസിറ്റീവിറ്റി നിരക്ക്. നേരിട്ടുള്ള സമ്പര്ക്കത്തിലൂടെ 4,360 പേര്ക്കാണ് രോഗബാധ. ആരോഗ്യ രംഗത്ത് പ്രവര്ത്തിക്കുന്ന ഒരാള്ക്കും വൈറസ്ബാധ കണ്ടെത്തി. 142 പേര്ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. വിദേശ രാജ്യങ്ങളില് നിന്ന് തിരിച്ചെത്തിയ രണ്ട് പേര്ക്കും ഇതര സംസ്ഥാനങ്ങളില് നിന്നെത്തിയ 53 പേര്ക്കും രോഗബാധ സ്ഥിരീകരിച്ചിട്ടുണ്ട്.
68,452 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 46,114 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളിലുള്ള രോഗികളുടെ എണ്ണം 1,432 അയി ഉയര്ന്നു. കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 215 പേരും 128 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുകളില് 17 പേരും ശേഷിക്കുന്നവര് വീടുകളിലും മറ്റുമായും നിരീക്ഷണത്തില് കഴിയുന്നു. ജില്ലയില് ഇതുവരെ 717 പേരാണ് കോവിഡ് ബാധിതരായി മരിച്ചത്.
വിജയദിനം ആഘോഷിച്ച് ഇടതുപക്ഷം, ചിത്രങ്ങള് കാണാം
മലപ്പുറം ജില്ലയില് ശനിയാഴ്ച 3,388 പേര് വിദഗ്ധ ചികിത്സക്ക് ശേഷം കോവിഡ് വിമുക്തരായി. ഇവരുള്പ്പെടെ ജില്ലയില് ഇതുവരെ രോഗമുക്തരായി സാധാരണ ജീവിതത്തിലേക്ക് മടങ്ങിയവരുടെ എണ്ണം 1,52,113 ആയി. അനുദിനം വര്ധിക്കുന്ന രോഗികള്ക്കെല്ലാം മികച്ച ആരോഗ്യ പരിചരണമാണ് സര്ക്കാര് നിര്ദേശപ്രകാരം ആരോഗ്യ വകുപ്പിന്റെ നേതൃത്വത്തില് ജില്ലാ ഭരണകൂടം ഉറപ്പു വരുത്തിയിരിക്കുന്നത്. രോഗ പ്രതിരോധത്തിനൊപ്പം ചികിത്സയും കാര്യക്ഷമമാക്കിയതിലൂടെയാണ് ഇത്രയും പേര്ക്ക് രോഗവിമുക്തി ഉറപ്പാക്കാനായതെന്നും ജില്ലാ മെഡിക്കല് ഓഫീസര് പറഞ്ഞു.
സൂപ്പർ നായിക തമന്നയുടെ ഫോട്ടോഷൂട്ട് ചിത്രങ്ങൾ
Click it and Unblock the Notifications
Sign in with Google